இந்தியாவில் மலிவு விலையில் கிடைக்கும் கார்கள்: இந்தியாவில் உள்ள பெரும்பாலான மக்கள் குறைந்த விலை கார்களை விரும்புகிறார்கள். குறைந்த விலையில் அதிக மைலேஜ் அளிக்கும் கார்கள் அனைவருக்கும் தேவைப்படுகின்றன. 


COMMERCIAL BREAK
SCROLL TO CONTINUE READING

வாடிக்கையாளர்களின் தேவைக்கேற்ப, அவர்களையும் திருப்திபடுத்தி, தங்கள் விற்பனையும் அதிகரிக்க, அனைத்து பெரிய வாகன உற்பத்தி நிறுவனங்களும் குறைந்த பட்ஜெட் கார்களை சந்தையில் அறிமுகப்படுத்தியுள்ளன. அவற்றில் சமீபத்திய கார் மாருதி சுஸுகி செலிரியோ ஆகும். இது 5-6 லட்சம் பட்ஜெட்டில் கிடைப்பது மட்டுமல்லாமல், அதன் மைலேஜும் வலுவானதாக உள்ளது. 


குறைந்த பட்ஜெட்டில் குறைந்த அளவு எரிபொருளை பயன்படுத்தி அதிக மைலேஜை அளிக்கும் கார்களை பற்றி இந்த பதிவில் காணலாம். 


மாருதி சுஸுகி செலிரியோ
மாருதி சுஸுகி இந்தியா 2021 ஆம் ஆண்டிற்கான புதிய தலைமுறை செலிரியோவை அறிமுகப்படுத்தியுள்ளது. இதன் ஆரம்ப எக்ஸ்ஷோரூம் விலை ரூ.5.25 லட்சமாகும். இந்த விலை டாப் மாடலுக்கு ரூ.7 லட்சம் வரை செல்கிறது. 


நிறுவனம், ஒரு லிட்டருக்கு 26.68 கிமீ மைலேஜ் தரும் புதிய தலைமுறை 1.0 லிட்டர் கே-சீரிஸ் பெட்ரோல் எஞ்சினை முதல் முறையாக காருடன் வழங்கியுள்ளது. இந்த எஞ்சின் முந்தைய மாடலை விட 23 சதவீதம் அதிக எரிபொருளைச் சேமிக்கிறது என்று நிறுவனம் கூறுகிறது. மேலும் இது இந்திய பயணிகள் கார் சந்தையில் அதிக பெட்ரோல் சேமிக்கும் கார் என்றும் கூறப்படுகிறது.


மேலும் படிக்க | இந்த வாகனங்களுக்கு ரூ.2.20 லட்சம் வரை தள்ளுபடி; முந்துங்கள் மக்களே


டாடா பஞ்ச்
டாடா மோட்டார்ஸ் சமீபத்தில் சந்தையில் பஞ்ச் மைக்ரோ எஸ்யூவியை ரூ.5.83 லட்சம் ஆரம்ப எக்ஸ்ஷோரூம் விலையில் அறிமுகப்படுத்தியுள்ளது. டாடா பஞ்சின் டாப் மாடலின் எக்ஸ்-ஷோரூம் விலை ரூ.8.89 லட்சம் வரை உயர்கிறது. இது நிறுவனத்தின் சப்-4 மீட்டர் எஸ்யுவி ஆகும். இது டாடா நெக்சானுக்கு கீழே வைக்கப்பட்டுள்ளது. 


இது சிறிய அளவிலான எஸ்யூவியைத் தவிர கிராஸ் ஹேட்ச்பேக் உடன் போட்டியிடும் என்பதால் இதன் போட்டி சுவாரஸ்யமாக இருக்கும். இந்த காரில் 84 பிஎச்பி பவரையும், 113 என்எம் பீக் டார்க்கையும் வழங்கும் 1.2 லிட்டர் ரெவெட்ரான் பெட்ரோல் எஞ்சின் உள்ளது. இந்த காரில் வலுவான எஞ்சின் கிடைத்தாலும், ஒரு லிட்டர் பெட்ரோலில் சுமார் 19 கிமீ மைலேஜ் தருகிறது.


மாருதி சுஸுகி ஆல்டோ
மாருதி சுஸுகி ஆல்டோ நீண்ட காலமாக வாடிக்கையாளர்களின் முதல் தேர்வாக இருந்து வருகிறது. ஆல்டோவின் ஆரம்ப விலை ரூ.3.39 லட்சமாக உள்ளது, இது டாப் மாடலுக்கு ரூ.5.03 லட்சமாக உயர்கிறது. இந்த காரில் 796 சிசி, 3-சிலிண்டர், 12-வால்வு எஞ்சின் 47.33 பிஎச்பி பவரையும், 69 என்எம் பீக் டார்க் திறனையும் உருவாக்குகிறது. இந்த காரின் எஞ்சின் பெட்ரோலின் அடிப்படையில் மிகவும் சிக்கனமானது மற்றும் ஒரு லிட்டரில் இது 22.05 கிமீ வரை இயங்கும். விலை மற்றும் மைலேஜ் ஆகியவற்றின் கலவையுடன், இந்த கார் நடுத்தர குடும்பங்களின் முதல் தேர்வாக உள்ளது.


ரெனால்ட் க்விட்
ரெனால்ட் க்விட்-இன் ஃபேஸ்லிஃப்ட் மாடல் அறிமுகப்படுத்தப்பட்டு அதிக நாட்கள் ஆகவில்லை. தோற்றம் மற்றும் அம்சங்களில் பல மாற்றங்களுடன் நிறுவனம் இதனை சந்தையில் அறிமுகப்படுத்தியுள்ளது. இதன் ஆரம்ப எக்ஸ்-ஷோரூம் விலை ரூ.4.50 லட்சம் ஆகும். இது டாப் மாடலுக்கு ரூ.5.94 லட்சம் வரை செல்கிறது. 


ஒரு லிட்டர் பெட்ரோலில், இந்த காரை 22.3 கிமீ வரை ஓட்ட முடியும். நிறுவனம் இந்த காரில் 0.8 லிட்டர் மற்றும் 1.0 லிட்டர் எஞ்சின்களை நிறுவியுள்ளது. ரெனால்ட் இந்தியா இந்த காருக்கு சக்திவாய்ந்த அம்சங்களை வழங்கியுள்ளது, இதன் காரணமாக இது பணத்திற்கு மதிப்புள்ள காராக மாறியுள்ளது.


மேலும் படிக்க | கார் பராமரிப்பு கண்ணை கட்டுதா? இந்த டிப்ஸ் சிறந்த மைலேஜ் பெற உதவும்


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.


முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link - https://bit.ly/3hDyh4G


Apple Link - https://apple.co/3loQYeR