Election Manifesto: పంచాయితీ ఎన్నికల్లో తెలుగుదేశం పార్టీకు షాక్ ఇచ్చిన ఎన్నికల కమీషన్

Election Manifesto: తెలుగుదేశం పార్టీకు ఎన్నికల కమీషన్ షాక్ ఇచ్చింది. పంచాయితీ ఎన్నికల్ని దృష్టిలో పెట్టుకుని ఆర్బాటంగా విడుదల చేసిన మేనిఫెస్టోను రద్దు చేసింది. అధికారపార్టీ ఫిర్యాదు మేరకు ఎస్ఈసీ ఈ నిర్ణయం తీసుకుంది.

ఆంధ్రప్రదేశ్‌ ( Andhra pradesh ) లో పంచాయితీ ఎన్నికలు ( Panchayat Elections ) జరుగుతున్నాయి. పార్టీతో సంబంధం లేని, గుర్తు లేని ఎన్నికలివి. అయితే రాష్ట్రంలోని ప్రధాన ప్రతిపక్షం తెలుగుదేశం ( Telugu Desam ) ఇవేమీ పట్టించుకోకుండా ఆర్భాటంగా ఎన్నికల మేనిఫెస్టోను ( Election Manifesto ) విడుదల చేసిన విషయం తెలిసిందే. పార్టీతో , గుర్తుతో సంబంధం లేని ఎన్నికలకు మేనిఫెస్టో విడుదల చేయడంపై అధికారపార్టీ వైఎస్సార్ కాంగ్రెస్ ( Ysr Congress party ) ఎన్నికల సంఘానికి ఫిర్యాదు చేసింది. గుర్తే లేకుండా జరిగే ఎన్నికలకు ఓ పార్టీ మేనిఫెస్టోను ఎలా ప్రచురిస్తుందంటూ ప్రశ్నించింది. దీనిపై ఎన్నికల సంఘం తెలుగుదేశం పార్టీ నుంచి వివరణ కోరింది. 

తెలుగుదేశం పార్టీ ఇచ్చిన వివరణ సంతృప్తికరంగా లేదని..దాంతో ఎన్నికల మేనిఫెస్టోను రద్దు ( Sec cancelled tdp elections manifesto ) చేస్తున్నట్టు ఎన్నికల కమీషన్ ( Election Commission ) ప్రకటించింది. తక్షణం మేనిఫెస్టోను వెనక్కు తీసుకోవాలని సూచించింది. ఇప్పటికే జిల్లాలకు పంపిన మేనిఫెస్టో కాపీల్ని వెనక్కు రప్పించాలని ఆదేశించింది. ఎన్నికల మేనిఫెస్టోతో ప్రచారం నిర్వహించవద్దని స్పష్టం చేసింది. 

స్థానికం నుంచి అంతర్జాతీయం వరకు..  క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee Hindustan App డౌన్‌లోడ్ చేసుకోండి.

Android Link - https://bit.ly/3hDyh4G

Apple Link - https://apple.co/3loQYe