AP Municipal Elections 2021 Voting Live Updates: ఆంధ్రప్రదేశ్‌లో మున్సిపాలిటీ ఎన్నికలకు సంబంధించి కొత్త నోటిఫికేషన్ ఇవ్వాలని దాఖలైన పిటిషన్లను సుప్రీంకోర్టు కొట్టివేయడంతో ఎన్నికలకు లైన్ క్లియర్ అయింది. దీంతో బుధవారం ఉదయం ఏపీలో 12 నగరపాలక, 71 పురపాలక సంస్థలు, నగర పంచాయతీలకు షెడ్యూల్ ప్రకారం పోలింగ్ ప్రారంభమైంది. నేటి సాయంత్రం వరకు ఓటింగ్ జరుగుతుందని ఎన్నికల అధికారులు తెలిపారు.


COMMERCIAL BREAK
SCROLL TO CONTINUE READING

ఏపీలో ఇదివరకే 2,214 డివిజన్, 580 వార్డు స్థానాలు ఏకగ్రీవం కావడంతో మిగలా స్థానాలకు ఎన్నికలు నిర్వహిస్తున్నట్లు ఏపీ ఎలక్షన్ కమిషనర్ నిమ్మగడ్డ రమేష్ కుమార్ పేర్కొన్నారు. మరోవైపు పశ్చిమ గోదావరి జిల్లా ఏలూరు నగరపాలక సంస్థ ఎన్నికలు నిర్వహించేందుకు హైకోర్టు డివిజన్ బెంచ్ అనుమతి ఇచ్చింది. దీంతో ఏలూరులోనూ మున్సిపాలిటీ ఎన్నికలు(AP Municpal elections 2021) ఉదయం 7 గంటలకు ప్రారంభమయ్యాయి. 


Also Read: AP Municipal Election 2021: ఏపీలో మున్సిపల్ ఎన్నికలకు లైన్ క్లియర్, పిటిషన్ కొట్టివేసిన Supreme Court


మొత్తంగా 7,549 మంది అభ్యర్థులు పురపాలక, నగరపాలక ఎన్నికల బరిలో నిలిచారు. అయితే చాలా రోజుల తర్వాత ఎన్నికల్లో బ్యాలెట్‌ పత్రాలు వినియోగిస్తున్నారు. ఏపీ(Andhra Pradesh)లోని పలు కార్పొరేషన్‌లు, మున్సిపాలిటీలు, నగర పంచాయతీ ఎన్నికలకు 2020 మార్చి 9న రాష్ట్ర ఎన్నికల కమిషన్ నోటిఫికేషన్ విడుదల చేయగా, కరోనా మహమ్మారి, లాక్‌డౌన్ కారణంగా ఎలక్షన్ వాయిదా పడింది. ఏకంగా ఏడాది తరువాత ఏపీ మున్సిపల్ ఎన్నికలు నిర్వహిస్తున్నారు. మార్చి 14న ఓట్లు లెక్కింపు ప్రక్రియ నిర్వహించి ఫలితాలు వెల్లడించనున్నారు.


Also Read: Eluru Election: ఏలూరు కార్పొరేషన్ ఎన్నికకు హైకోర్టు గ్రీన్ సిగ్నల్


స్థానికం నుంచి అంతర్జాతీయం వరకు..  క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee Hindustan App డౌన్‌లోడ్ చేసుకోండి.


Android Link - https://bit.ly/3hDyh4G


Apple Link - https://apple.co/3loQYe


మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook