SCR: భారీ వర్షాలకు దెబ్బతిన్న రైల్వే ట్రాక్​లు...పలు రైళ్లు రద్దు..6 రైళ్లు పనురుద్ధరణ..!

South Central Railway: ఇటీవల కురిసిన భారీ వర్షాల(Heavy Rains)కు రైలు ట్రాక్(Railway Tracks Damaged)లు చాలా వరకు దెబ్బతిన్నాయి. ఈ నేపథ్యంలో ఇప్పటికే పలు రైళ్లను రద్దు చేసింది దక్షిణ మధ్య రైల్వే. వర్షాలు కొంతమేర తగ్గుముఖం పట్టడంతో..మరమ్మతు పనులు చేపట్టారు. ఈ క్రమంలో ఈనెల 24, 25 తేదీల్లో ఐదు రైళ్లను రద్దు చేసినట్టు దక్షిణమధ్య రైల్వే(South Central Railway) స్పష్టం చేసింది. 

ఆ రైళ్లు రద్దు...
విజయవాడ డివిజన్‌లోని నెల్లూరు- పడుగుపాడు, గుంతకల్‌ డివిజన్‌లోని రాజంపేట- నందలూరు, రేణిగుంట- పూడి సెక్షన్‌లో ట్రాక్‌లపై నీరు నిలిచిపోవడం, మరమ్మతు పనులు కొనసాగుతుండటం వల్ల పలు రైళ్లను దక్షిణ మధ్య రైల్వే రద్దు చేసింది. ఈ నెల 25న నడిటే మదురై-బికనేర్‌, చెన్నయ్‌ సెంట్రల్‌- న్యూ జల్పాయిగుడి, సికింద్రాబాద్ -గోరఖ్‌పూర్‌ రైళ్లను రద్దు చేసినట్టు వెల్లడించింది. హైదరాబాద్-గోరఖ్ పూర్-హెచ్.ఎస్ నాందేడ్ -మన్మాడ్ మధ్య ఈనెల 25, 26, 27, 28 తేదీల్లో ప్రత్యేక రైళ్ల(Special Trains)ను నడపనున్నట్లు రైల్వేశాఖ పేర్కొంది.

రైళ్లు పునరుద్ధరణ..
వర్షాలకు ట్రాక్ దెబ్బతిని నిలిచిపోయిన రైళ్లను దక్షిణ మధ్య రైల్వే(SCR)  క్రమంగా పట్టాలెక్కిస్తోంది. ట్రాక్ మరమ్మతు పనులు పూర్తైన అనంతరం ఆయా రూట్లలో రైళ్లను పునరుద్దరిస్తోంది. రేపు నడిచే 6 రైళ్లను యథాతథంగా నడుపుతున్నట్లు రైల్వే అధికారు(Railway Officials)లు తెలిపారు. రేపటి(గురవారం) తిరుపతి- హజరత్ నిజాముద్దీన్ రైలు , చెన్నై సెంట్రల్- ముంబై సీఎస్ఎంటీ , రైళ్లను పునరుద్దరించారు. రేపటి ముంబై సీఎస్ ఎంటీ -చెన్నై సెంట్రల్, చెన్నై సెంట్రల్ -అహ్మదాబాద్ , చెన్నై సెంట్రల్ - ముంబై ఎల్ టీ టీ , ముంబై ఎల్ టీటీ- చెన్నై సెంట్రల్ రైళ్లు యథాతథంగా నడుస్తాయని అధికారులు స్పష్టం చేశారు.

స్థానికం నుంచి అంతర్జాతీయం వరకు..  క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G

Apple Link - https://apple.co/3loQYe