టీడీపీ ఎమ్మెల్సీ రాజేంద్ర ప్రసాద్‌పై కేసు నమోదు

ఉయ్యూరు: టీడీపీ ఎమ్మెల్సీ వైవీబీ రాజేంద్రప్రసాద్‌పై ఉయ్యూరు పోలీసు స్టేషన్‌లో కేసు నమోదైంది. టీడీపీ స్థానిక నేతలు, కార్యకర్తలతో కలిసి నిత్యవసరాలు, కూరగాయలు పంపిణి చేసే క్రమంలో ఎమ్మెల్సీ రాజేంద్ర ప్రసాద్ లాక్‌‌డౌన్ రూల్స్ ఉల్లంఘించారనే ఆరోపణల కింద ఆయనపై పోలీసులు కేసు నమోదు చేశారు. రాజేంద్రప్రసాద్‌తో పాటు మరో 9 మంది అనుచరులపైనా పోలీసులు కేసు నమోదు చేశారు. లాక్‌డౌన్‌ సమయంలో సోషల్ డిస్టన్స్ నిబంధనను విధిగా పాటించాల్సి ఉందని.. కానీ ఎమ్మెల్సీ రాజేంద్ర ప్రసాద్ ఆయన అనుచరగణంతో కలిసి వచ్చి ఇక్కడ జనం గుమికూడేందుకు కారకుడయ్యారని.. అందుకే ఆయనపై కేసు నమోదు చేశామని ఉయ్యూరు పోలీసులు తెలిపారు.