Tirumala Temple: తిరుమల భక్తులకు అలర్ట్.. ఆ రోజు ఆలయం మూసివేత

Partial Lunar Eclipse: తిరుమల భక్తులకు అలర్ట్. అక్టోబర్ 29వ తేదీన తెల్లవారుజామున పాక్షిక చంద్రగ్రహణం కారణంగా తిరుమల శ్రీవారి ఆలయం అక్టోబర్ 28న రాత్రి మూసివేస్తున్నట్లు టీటీడీ అధికారులు తెలిపారు. తిరిగి అక్టోబర్ 29న తిరిగి తెరుస్తామని వెల్లడించారు. అక్టోబర్ 29వ తేదీన తెల్లవారుజామున 1:05 నుంచి తెల్లవారుజామున 2:22 గంటల మధ్య పాక్షిక చంద్రగ్రహణం గంటలకు పూర్తవుతుందని చెప్పారు. అక్టోబర్ 28న రాత్రి 7:05 గంటలకు ఆలయ తలుపులు మూసివేయనున్నామని తెలిపారు. 

గ్రహణ సమయానికి 6 గంటల ముందుగా ఆలయం తలుపులు మూసివేయడం ఆనవాయితీగా వస్తోందన్నారు. అక్టోబరు 29వ తేదీ తెల్లవారుజామున 3:15 గంటలకు ఏకాంతంలో శుద్ధి, సుప్రభాత సేవ నిర్వహించి ఆలయ తలుపులు తెరుస్తారని చెప్పారు. చంద్రగ్రహణం కారణంగా ఎనిమిది గంటల పాటు ఆలయ తలుపులు మూసి ఉంటాయన్నారు. ఈ కారణంగా సహస్ర దీపాలంకార సేవ, వికలాంగులు, వయోవృద్ధుల దర్శనం అక్టోబర్ 28న రద్దు చేస్తున్నట్లు తెలిపారు. భక్తులు ఈ విషయాన్ని గమనించి అందుకు అనుగుణంగా తిరుమల యాత్రను ప్లాన్ చేసుకోవాలని సూచించారు.

గురువారం 65,422 మంది భక్తులు తిరుల శ్రీవారిని దర్శించుకున్నారు. రూ.3.30 కోట్లు హుండీ ఆదాయం వచ్చింది. మూడు కంపార్ట్‌మెంట్‌లలో భక్తులు వేచి ఉన్నారు. సర్వదర్శనం కోసం దర్శన్ సమయం (SSD టోకెన్లు లేకుండా) 8 గంటలు పడుతోంది.  

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.