Dubai Flight Fare: దుబాయ్ ప్రయాణానికి పెరిగిన డిమాండ్.. రూ.6 వేలకే ఫ్లైట్ టికెట్?

Dubai Flight Fare: ఎయిర్ ఇండియా ఎక్స్‌ప్రెస్ కస్టమర్లను ఆకర్షించేందుకు సరికొత్త డిస్కౌంట్ ను ప్రకటించింది. దుబాయ్ నుంచి భారతదేశంలోని వివిధ నగరాలకు వెళ్లే విమానాలపై ప్రత్యేక తగ్గింపును అందుబాటులోకి తీసుకొచ్చింది. ఈ ఆఫర్ మే 10 నుంచి జూన్ 22 వరకు చెల్లుబాటులో ఉంటుందని ఎయిర్ ఇండియా ఎక్స్ ప్రెస్ ప్రకటించింది. దీంతో కేవలం రూ. 6 వేలకే దుబాయ్ నుంచి ఇండియా వరకు ప్రయాణించవచ్చు. 

దుబాయ్ నుంచి ఇండియాకు పెరుగుతున్న డిమాండ్ దృష్ట్యా ఆ దేశం నుంచి మరిన్ని విమాన సర్వీస్ లను ప్రారంభించాలని ఎయిర్ ఇండియా ఎక్స్ ప్రెస్ నిర్ణయించింది. ఇదే విషయమై సదరు విమానయాన సంస్థ UAE తో కూడా సంప్రదింపులు జరుపుతున్నట్లు తెలుస్తోంది. ఎమిరేట్స్ ఎయిర్‌లైన్స్ భారతదేశానికి వారానికి 170 విమానాలను నడుపుతోంది. అయితే ఇటీవలే జరిగిన ఓ సమావేశంలో దుబాయ్ ఎయిర్ లైన్స్ సీఈఓ అద్నాన్ ఖాసిమ్ కూడా భారత్ కు ఎక్కువ విమాన సర్వీస్ లను నడిపే అవకాశం ఉందని స్పష్టం చేశారు. 

వేసవికి ముందు అనగా ఫిబ్రవరి నుంచి దుబాయ్ నుంచి భారత్ కు వచ్చి పోయే మార్గంలో డిమాండ్ పెరుగుతోంది. దీంతో యూఏఈ ప్రభుత్వం కూడా భారత్ కు ఎక్కువ విమాన సర్వీస్ లను ప్రారంభించాలని నిర్ణయించినట్లు సమాచారం. వీటితో పాటు బడ్జెట్ క్యారియర్ విజ్ ఎయిర్ అబుదాబి వంటి కొత్తగా ప్రారంభించిన విమానయాన సంస్థలు భారతదేశానికి సేవలను ప్రారంభించాలనుకుంటున్నాయి.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.

Android Link - https://bit.ly/3hDyh4G

Apple Link - https://apple.co/3loQYe