Gita Gopinath: గీతా గోపీనాథ్​కు ఐఎంఎఫ్ డిప్యూటీ ఎండీగా ప్రమోషన్​

Gita Gopinath: ఇంటర్నేషనల్​ మానిటరీ ఫండ్​లో (ఐఎంఎఫ్​) చీఫ్​ ఎకానమిస్ట్​గా ఉన్న ఇండో-అమెరికన్​ గీతా గోపీనాథ్​కు (Gita gopinath imf chief economist) పదోన్నతి లభించింది. గీతా గోపీనాథ్​కు తొలి డిప్యూటీ మేనేజింగ్ డైరెక్టర్​గా పదోన్నతి కల్పిస్తున్నట్లు ఐఎంఎఫ్​ గురువారం ప్రకటించింది.

ప్రస్తుతం డిప్యూటీ ఎండీగా ఉన్న జెఫ్రీ ఒకామోటో వచ్చే ఏడాది తొలినాళ్లలో ఐఎంఎఫ్​ను వీడనున్నారు. ఆయన స్థానాన్ని గీతా గోపీనాథ్​ భర్తీ (Gita gopinath Promoted as IMF's First Deputy MD) చేయనున్నారు.

అయితే గీతా గోపీనాథ్ దాదాపు మూడేళ్లుగా ఐఎంఎఫ్​లో చీఫ్ ఎకానమిస్ట్​గా (Gita gopinath imf)​ సేవలందిస్తున్నారు. 2022 జనవరిలో అమె ఐఎంఎఫ్​ను వీడి హార్వర్డ్ యూనివర్సిటీకి వెళ్లనున్నట్లు వార్తలు వచ్చాయి. తాజాగా అమెకు పదోన్నతి లభించిన నేపథ్యంలో ఇంకొంత కాలం అమె ఐఎంఎఫ్​లో సేవలందించనున్నట్లు స్పష్టమైంది.

గీతా గోపీనాథ్ స్పందన..

మొదటి డిబ్యూటీ ఎండీగా పదోన్నతి కల్పించినందుకు గీతా గోపీనాథ్ (Gita Gopinath about)​ ఐఎంఎఫ్​కు ధన్యవాదాలు తెలిపారు.

'ఐఎంఎఫ్ మొదటి డిప్యూటీ మేనేజర్​గా ఎంపికవడం గర్వంగా భావిస్తున్నా. కరోనా సమయంలో ఫండ్​ ​ (ఐఎంఎఫ్​) పని చాలా ముఖ్యమైంది. ఎంతో నిపుణులైన నా సహోద్యోగులతో కలిసి పని చేస్తూ.. ఈ సవాళ్లను అదిగమించేందుకు ఎదురు చూస్తున్నా' అని గీతా గోపీనాథ్ ట్విట్టర్​ ద్వారా స్పందించారు.

ఐఎంఎఫ్​ ఎండీ క్రిస్టలినా ఏమన్నారంటే..

జెఫ్రీ ఒకామోటో, గీతా గోపీనాథ్ ఇద్దరు తనకు ఎంతో మంచి సహచరులుగా చెప్పుకొచ్చారు ఐఎంఎఫ్ ఎండీ క్రిస్ఠాలినా జార్జివా. జెప్రీ ఐఎంఎఫ్​ను వీడుతుండటం బాధగా ఉందని (IMF MD Kristalina Georgieva) పేర్కొన్నారు. అయితే గీతా గోపీనాథ్​ తిరిగి ఐఎంఎఫ్​లో కొనసాగాలని నిర్ణయించుకోవడంపై ఆమె హర్షం వ్యక్తం చేశారు. కొత్త బాధ్యతలను స్వీకరించనున్న నేపథ్యంలో అభినందనలు తెలిపారు.

స్థానికం నుంచి అంతర్జాతీయం వరకు..  క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.

Android Link - https://bit.ly/3hDyh4G

Apple Link - https://apple.co/3loQYe