ITR Tax Refund: ఐటీఆర్ ఫైల్ చేసినా.. ఇంకా ట్యాక్స్ రిఫండ్ కాలేదా? అయితే స్టేటస్ చెక్ చేసుకోండిలా

 ITR Tax Refund Status: ఇన్‎కమ్ టాక్స్ రిటర్న్ ఫైల్ చేసిన తర్వాత.. టాక్స్ రిఫండ్ కోసం ఎదురుచూస్తుంటాం. ఈ టాక్స్ రిఫండ్ అనేది ఇన్‎కమ్ టాక్స్ ఫైల్ చేస్తే ఐదు వారాలు తర్వాత.. మీ అకౌంట్లో క్రెడిట్ అవుతుంది. అయితే కొన్ని సందర్భాల్లో ఇది ఆలస్యమయ్యే ఛాన్స్ ఉంటుంది. అలాంటి సమయంలో చాలా మంది టెన్షన్ పడుతుంటారు. టాక్స్ రీఫండ్ ఎందుకు క్రెడిట్ కాలేదో తెలుసుకునే ప్రయత్నం చేస్తుంటారు. అయితే ఈ రీఫండ్ ఎందుకు కాలేదో .. దారి తీసే పరిణామాల గురించి ఇప్పుడు మనం తెలుసుకుందాం.

కొన్ని రకాల చర్యలు తీసుకోవడం వల్ల మీరు ఇన్‎కమ్ టాక్స్ రిటర్న్ రిఫండ్ తిరిగి పొందే చాన్స్ ఉంటుంది.  ఇన్‌కమ్ ట్యాక్స్ రీఫండ్ ఫైల్ చేసి నెల దాటిపోయింది. అయితే ఇప్పటికే టాక్స్ రిఫండ్స్ చాలా మంది పన్ను చెల్లింపుదారులు పొందారు. ముఖ్యగా టీడీఎస్ రూపంలో ఉన్న టాక్స్ రిటర్నులను పొందారు. కానీ కొందరు ఇప్పటికీ టాక్స్ రీఫండ్స్ ఇంకా పొందలేదు. మీరు కూడా మీ రీఫండ్‌ని అందుకోకుంటే, కారణం ఏమిటో తెలుసుకుందాం. అలాగే రీఫండ్ స్థితిని ఎలా చెక్ చేయాలో తెలుసుకోండి.

సాధారణంగా ఆదాయపు పన్ను రిటర్న్‌ను దాఖలు చేసిన నెలలోపు టాక్స్ రిటర్న్ తిరిగి వస్తుంది. మీరు కూడా ఇంకా టాక్స్ రిటర్న్ పొందవలసి ఉన్నట్లయితే, దాని వెనుక అనేక కారణాలు ఉండవచ్చు. మీరు ఐటీఆర్‌ని సరిగ్గా ఫైల్ చేసి ఉండకపోవచ్చు. 

ఆదాయపు పన్ను రిటర్న్‌ను దాఖలు చేసే ప్రక్రియ మొత్తం సరైనది, పూర్తయిన తర్వాత ఈ మొత్తం ఆదాయపు పన్ను వెబ్‌సైట్‌లో నమోదు చేసిన పన్ను చెల్లింపుదారుల ఖాతాతో లింక్ చేసిన పన్ను చెల్లింపుదారుని బ్యాంక్ ఖాతాలోకి వెళుతుంది. కాబట్టి బ్యాంక్ ఖాతా నంబర్, IFC కోడ్ (IFSC) తప్పని సరిగా పూరించాలి. మీరు ఆదాయపు పన్ను శాఖ వెబ్‌సైట్‌ను చెక్ చేసి.. మీ ఖాతాలోకి లాగిన్ అయి.. బ్యాంక్ వివరాలు సరిగ్గా ఉన్నాయో లేదో ఓసారి చెక్ చేసుకోండి. 

టాక్స్ రిటర్న్  పొందడానికి ఎంత సమయం పడుతుంది?

ఆదాయపు పన్ను టాక్స్ రిటర్న్  సాధారణంగా 4 నుండి 5 వారాలు పడుతుంది. మీరు ఈ వ్యవధిలోపు మీ రీఫండ్‌ని అందుకోకుంటే, ఆదాయపు పన్ను శాఖ వెబ్‌సైట్‌ను విజిట్ చేడయం  ద్వారా మీరు మీ రీఫండ్ స్టేటస్ చెక్ చేయవచ్చు.

టాక్స్ రీఫండ్ రాపోవడానికి ఇవి కారణాలు కావచ్చు:

-మీ పాన్ కార్డ్  ఉంటే, టాక్స్ రిటర్న్  అందుబాటులో ఉండదు. అలాంటప్పుడు మీ పాన్ నంబర్‌ను ఆధార్ కార్డ్‌తో లింక్ చేయమని మీకు మెసేజ్ వస్తుంది. 

- మీరు ఆదాయపు పన్ను శాఖ వెబ్‌సైట్‌లో మీ బ్యాంక్ ఖాతా వివరాలను తప్పుగా నమోదు చేసినట్లయితే, మీకు టాక్స్ రిటర్న్  రాదు. అటువంటి సందర్భంలో మీరు ఖాతా సంఖ్య, IFSC కోడ్, పేరు మొత్తం తిరిగి చెక్  చేసుకోవాలి. 

-ఆదాయపు పన్ను శాఖ వెబ్‌సైట్‌లో KYC లేదా మరేదైనా ఇతర కారణాల వల్ల మీ బ్యాంక్ ఖాతా తాత్కాలికంగా నిలిపివేసినా.. రీఫండ్ డబ్బు బ్యాంక్ ఖాతాకు జమ కాదు. 

-మీరు ఆదాయపు పన్ను శాఖకు అందించిన బ్యాంక్ వివరాలు సేవింగ్స్ ఖాతా లేదా కరెంట్ ఖాతాకు భిన్నంగా ఉంటే, టాక్స్ రిటర్న్  మొత్తం ఖాతాలో జమ చేయదు. 

-మీరు దాఖలు చేసిన ఐటీఆర్‌లో ఆదాయపు పన్ను శాఖ ఎర్రర్‌ను గుర్తిస్తే, దిద్దుబాటు కోసం మీ రిజిస్టర్డ్ ఇమెయిల్ ఐడీకి ఇమెయిల్ పంపుతుంది. మీరు దీన్ని విస్మరిస్తే, మీకు టాక్స్ రిటర్న్  రాదు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.