దేశం దాటి ఎక్కడికి , ఎందుకు వెళ్లాలన్నా కావల్సిన ముఖ్యమైన పత్రం పాస్‌పోర్ట్. చదువు నిమిత్తమైనా, తీర్ధయాత్ర కోసమైనా, పర్యటన కావచ్చు..ఉద్యోగ, వ్యాపారాల కోసం కావచ్చు దేనికోసం వెళ్లినా పాస్‌పోర్ట్ లేనిదే సాధ్యం కాదు. గతంలో పాస్‌పోర్ట్ పొందే ప్రక్రియలో కాలయాపన, సుదీర్ఘ ప్రయాస ఉండేది. మరిప్పుడు ఎలా ఉంది..


COMMERCIAL BREAK
SCROLL TO CONTINUE READING

పాస్‌పోర్ట్ ఇప్పుడు చాలావేగంగా వచ్చేస్తోంది. కేవలం 10 రోజుల్లోపే సాధారణ పాస్‌పోర్ట్ చేతికి అందేస్తుంది. తత్కాల్ అయితే 5 రోజుల్లో వచ్చేస్తుంది. ఇటీవలి కాలంలో విదేశీ ప్రయాణాలు బాగా పెరగడంతో పాస్‌పోర్ట్ అవసరం పెరిగింది. ఈ పరిస్థితిని చూసి పాస్‌పోర్ట్ సేవా పరియోజనను 2010లో ప్రారంభించారు. పాస్‌పోర్ట్ జారీ చేసే ప్రక్రియను సులభతరం చేసింది. పాస్‌పోర్ట్ కోసం ఆన్‌లైన్‌లో దరఖాస్తు చేయడం, పోలీసు క్లియరెన్స్ అవసరం. మీరు కూడా పాస్‌పోర్ట్ కోసం అప్లై చేయాలంటే..ఆన్‌లైన్‌లో చేయవచ్చు. 


పాస్‌పోర్ట్ కోసం ఎలా అప్లై చేయాలి


1. ముందుగా portalindia.gov.in పోర్టల్ ఓపెన్ చేయాలి.
2. హోమ్ స్క్రీన్‌పై రిజిస్టర్ నౌ లింక్‌పై క్లిక్ చేయడం ద్వారా పోర్టల్ రిజిస్ట్రేషన్ చేయాలి
3. రిజిస్ట్రేషన్ తరువాత పాస్‌పోర్ట్ సేవా ఆన్‌లైన్ పోర్టల్‌కు వెళ్లి..రిజిస్టర్ ఐడీతో లాగిన్ చేయాలి.
4. ఇప్పుడు కొత్త పాస్‌పోర్ట్ లేదా పాస్‌పోర్ట్ రీ ఇష్యూ కోసం దరఖాస్తు కోసం బటన్ క్లిక్చేయాలి.
5. దరఖాస్తులో అన్ని వివరాలు పూర్తి చేసి సబ్మిట్ చేయాలి.
6. వ్యూ సేవ్డ్ లేదా సబ్మిటెడ్ అప్లికేషన్ ఆప్షన్ కన్పిస్తుంది. దాన్ని ఓపెన్ చేయాలి.
7. ఇప్పుడు కనీస ఛార్జ్ చెల్లించేందుకు పే అండ్ షెడ్యూల్ అపాయింట్‌మెంట్ క్లిక్ చేయాలి. ఫీజు 1500 రూపాయలు కాగా, తత్కాల్‌కు 2000 రూపాయలు ఫీజుగా ఉంది.
8.నెట్ బ్యాంకింగ్ లేదా ఇత పేమెంట్ విధానంతో చెల్లింపు చేసిన తరువాత రిసీప్ట్ ప్రింట్ క్లిక్ చేయాలి.
9. దరఖాస్తు నింపిన తరువాత వివరాలతో ఓ ఎస్ఎంఎస్ వస్తుంది. పాస్‌పోర్ట్ కార్యాలయంలో చూపించేందుకు ఈ మెస్సేజ్ అవసరం. 
10. దరఖాస్తు చేసేటప్పుడు చెప్పిన వివరాలకు సంబంధించిన అన్ని కాగితాలను పాస్‌పోర్ట్ సేవా కేంద్రానికి నిర్ణీత సమయంలో తీసుకుని వెళ్లాలి. 


అన్ని వివరాలు సరిగ్గా ఉంటే..మీకు మీ పాస్‌పోర్ట్ కేవలం 10 రోజుల వ్యవధిలోనే చేతికి అందుతుంది. అదే మీరు తత్కాల్‌లో అప్లై చేసుంటే..5-6 రోజుల్లో వచ్చేస్తుంది.


Also read: New Year Travel Plan: కొత్త సంవత్సరం వేడుకలు ప్లాన్ చేసేందుకు అద్భుతమైన ప్రాంతమిదే, ఖర్చు కేవలం 5 వేలే



స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.     


Android Link - https://play.google.com/store/apps/details?id=com.indiadotcom.zeetelugu     


Apple Link - https://apps.apple.com/in/app/zee-telugu-news/id1633190712


మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook