US Fed: 4 ఏళ్ల తర్వాత మొదటిసారి అర శాతం వడ్డీ రేట్లు తగ్గించిన యూఎస్ ఫెడరల్ రిజర్వ్..భారత్ పై దీని ఎఫెక్ట్ ఎంత..?

US: అమెరికా సెంట్రల్ బ్యాంక్, ఫెడరల్ రిజర్వ్ బుధవారం కీలక నిర్ణయం తీసుకుంది.  వడ్డీ రేట్లను 50 బేసిస్ పాయింట్లు తగ్గిస్తున్నట్లు ప్రకటించింది. తక్కువ ద్రవ్యోల్బణంపై విశ్వాసం పెరగడమే ఈ కోతకు ప్రధాన కారణమని ఫెడరల్ రిజర్వ్ వెల్లడించింది. కాగా 4 ఏళ్ల తర్వాత అంటే మార్చి 2020 తర్వాత మొదటిసారిగా వడ్డీ రేట్లను అర శాతం తగ్గించింది. అమెరికా వడ్డీ రేట్ల తగ్గింపు ప్రభావం గురువారం భారత్‌తో పాటు ప్రపంచ స్టాక్‌ మార్కెట్లలో కనిపించే అవకాశం ఉంది.  దీంతో బంగారం ధర పుంజుకునే అవకాశం ఉందని భావిస్తున్నారు. ఈ కోతకు ముందు, ఫెడరల్ రిజర్వ్ రేట్లు 5.25 నుండి 5.5 శాతం మధ్య ఉన్నాయి. ఇది 23 సంవత్సరాలలో అత్యధికం. వడ్డీ రేట్ల తగ్గింపు ప్రకటన తర్వాత, కొత్త వడ్డీ రేట్లు 4.75 నుండి 5 శాతం మధ్య మారాయి. ద్రవ్యోల్బణం నేపథ్యంలో, వడ్డీరేట్లను తగ్గించాలని US సెంట్రల్ బ్యాంక్‌పై ఒత్తిడి వచ్చింది.

ఈ ఏడాది వడ్డీ రేట్లను మరో 50 బేసిస్ పాయింట్లు తగ్గించే అవకాశం ఉందని నిపుణులు ఆశాభావం వ్యక్తం చేస్తున్నారు. ద్రవ్యోల్బణం దాదాపు 2 శాతంగా ఉంటుందని కమిటీ మరింత నమ్మకంగా ఉందని కోత ప్రకటనతో పాటు US సెంట్రల్ బ్యాంక్ పాలసీ రూపకర్తలు ఒక ప్రకటనలో తెలిపారు. US సెంట్రల్ బ్యాంక్ చేసిన ఈ తగ్గింపు అంటే అక్కడి ప్రభుత్వ బాండ్లపై వడ్డీ రేట్లు కూడా తగ్గుతాయి.

అటువంటి పరిస్థితిలో, ప్రజలు బాండ్లలో డబ్బును బాండ్లలో పెట్టుబడి పెట్టడానికి బదులుగా బంగారంలోనూ, స్టాక్ మార్కెట్లలో ఎక్కువగా పెట్టుబడి పెడతారు. దీని ప్రత్యక్ష ప్రభావం భారతీయ, ఇతర అభివృద్ధి చెందుతున్న స్టాక్ మార్కెట్లపై కనిపిస్తుంది. ఎందుకంటే ఈ మార్కెట్లు ఇప్పటికే పెట్టుబడిదారులను ఆకర్షించడంలో విజయవంతమయ్యాయి.

సాధారణంగా, వడ్డీ రేట్ల తగ్గింపు స్టాక్ మార్కెట్‌లో ఉప్పెనకు దారితీస్తుంది. అయితే ఈ ప్రకటన తర్వాత కూడా, అమెరికన్ స్టాక్ మార్కెట్ పడిపోయింది. అమెరికా అధ్యక్ష ఎన్నికలను దృష్టిలో ఉంచుకుని, డెమోక్రటిక్ పార్టీ ఫెడరల్ రిజర్వ్‌పై రేట్లు తగ్గించాలని ఒత్తిడి తెచ్చిందని భావిస్తున్నారు. అయితే, ఈ ప్రకటనలో ఎలాంటి రాజకీయ జోక్యం లేదని సెంట్రల్ బ్యాంక్ ఖండించింది.

ఫెడరల్ రిజర్వ్  ఈ నిర్ణయం తర్వాత, భారతీయ రిజర్వ్ బ్యాంక్ అంటే RBI వడ్డీ రేట్లను తగ్గించాలని ఒత్తిడి పెరుగుతుంది. RBI గత 9 సార్లు రెపో రేటులో ఎలాంటి మార్పు చేయలేదు. హోమ్ లోన్, కార్ లోన్ కస్టమర్లు చాలా కాలంగా EMI తగ్గింపు కోసం ఎదురుచూస్తున్నారు. అయినప్పటికీ, భారతదేశంలో ద్రవ్యోల్బణం ఇప్పటికీ ప్రధాన ఆందోళనగా ఉంది. కానీ పండుగ డిమాండ్‌ను పెంచడానికి, రిజర్వ్ బ్యాంక్ ఆఫ్ ఇండియా రెపో రేటును తగ్గించడం ద్వారా పెద్ద బహుమతిని ఇస్తుందని నిపుణులు అంటున్నారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.