Kasthuri Shankar: మద్రాస్ హైకోర్టులో కస్తూరికి షాక్.. ఇక జైలుకి వెళ్లడం తప్పదా..!

Actress Kasthuri To Be Arrested: నాగార్జున హీరోగా నటించిన అన్నమయ్య సినిమా ద్వారా తెలుగు తెరకు పరిచయమైంది ప్రముఖ బ్యూటీ కస్తూరి. ఒకవైపు సినిమాలు చేస్తే ప్రేక్షకులను అలరించిన ఈమె.. తాజాగా బుల్లితెరపై సీరియల్స్ చేస్తూ తెలుగు ఆడియన్స్ ను ఆకట్టుకుంటుంది. అంతేకాదు అప్పుడప్పుడు కొన్ని సీరియల్స్ లో గెస్ట్ అప్పియరెన్స్ కూడా ఇస్తోంది. 

ఇదిలా ఉండగా గత కొద్ది రోజుల క్రితం తెలుగు వారిపై కస్తూరి అనుచిత వ్యాఖ్యలు చేసిన విషయం తెలిసిందే.  ఈమెపై పోలీసులు కేసు నమోదు చేశారు. ఈమెకు నోటీసులు కూడా అందివ్వడానికి ఆమె ఇంటికి వెళ్ళగా.. ఆమె ఇంటికి తాళాలు వేసి, స్విచ్ ఆఫ్ చేసి పరారీలో ఉన్నట్లు సమాచారం. దీంతో గత వారం రోజులుగా పోలీసులు తీవ్రంగా ఈమె కోసం వెతుకుతున్నారు. 

ఇదే సమయంలో ఈమె హైకోర్టును ఆశ్రయించింది. ముందస్తు బెయిల్ కావాలి అంటూ మద్రాస్ హైకోర్టులో పిటిషన్ దాఖలు చేసింది. అయితే తాజాగా న్యాయస్థానం ఆమె పిటీషన్ కొట్టి వేసింది. ఇక ఇప్పుడు కస్తూరి ఎలాంటి నిర్ణయం తీసుకుంటుందో అంటూ నెటిజెన్స్ సైతం కామెంట్లు చేస్తున్నారు. 

ఇకపోతే తన వ్యాఖ్యలు వివాదాస్పదం కావడంతో కస్తూరి క్షమాపణలు కూడా తెలిపింది. తనకు తెలుగు గడ్డ మెట్టినిల్లు అని , తెలుగు ప్రజలను కించపరిచే విధంగా తాను మాట్లాడలేదు అని, తన వ్యాఖ్యలను డిఎంకె పార్టీ వక్రీకరించారు అని కూడా ఆరోపించింది. తనను ఆ పార్టీ నేతలు టార్గెట్ చేస్తున్నారని, తెలుగు ప్రజలకు క్షమాపణలు చెప్పినప్పటికీ వారు తనపై పలు ప్రాంతాలలో కేసులు నమోదయ్యేలా చేశారు అంటూ ఎమోషనల్ అయ్యింది. 

ఈ నేపథ్యంలోనే ఇప్పుడు.. ఈమెకు బెయిల్ వస్తుందని ముందస్తు పిటిషన్ వేసుకోగా.. ఇప్పుడు దానిని హైకోర్టు కూడా కొట్టివేసింది. ఎన్నో ఆశలు పెట్టుకున్న కస్తూరికి ఇప్పుడు బెయిల్ కూడా రద్దు కావడంతో జైలుకు వెళ్లడం తప్పదా అంటూ కామెంట్లు వ్యక్తమవుతున్నాయి.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.