Akshay Kumar's Indian Citizenship: అక్షయ్ కుమార్ ఇకపై భారతీయ పౌరుడు. అదేంటి ఇప్పటివరకు అక్షయ్ కుమార్ మన ఇండియన్ కాదా అని అనుకుంటున్నారా ? ఇదివరకు అక్షయ్ కుమార్‌కి భారత పౌరసత్వానికి బదులు కెనడా సిటిజెన్‌షిప్ ఉండేది. కానీ తాజాగా అక్షయ్ తన పౌరసత్వాన్ని అప్‌గ్రేడ్ చేసుకుని ఇండియన్ సిటిజెన్‌షిప్ తీసుకున్నాడు. గతంలో కెనడా పౌరుడిగా ఉన్నందుకు అక్షయ్ కుమార్ అంటే గిట్టని వారు ఆయన్ను అదే విషయంలో వేలెత్తి చూపించే వారు. పౌరసత్వం సాకుతో విమర్శించే వారు. అందుకే ఇకపై తనకు అలా మాటలు పడాల్సిన అవసరం లేదన్నట్టుగా.. తనని విమర్శించే వారికి ఇదే నా సమాధానం అన్నట్టుగా తనకి భారత పౌరసత్వం ఇస్తూ భారత ప్రభుత్వం ధృవీకరించి ఇచ్చిన సర్టిఫికెట్ డాక్యుమెంట్స్ ని చూపిస్తూ ట్విటర్ లో ఓ పోస్ట్ పెట్టారు. 


COMMERCIAL BREAK
SCROLL TO CONTINUE READING

అక్షయ్ కుమార్ చూపిస్తున్న డాక్యుమెంట్స్ ని నిశితంగా పరిశీలిస్తే.. అందులో అక్షయ్ పూర్తి పేరు అక్షయ్ హరిఓమ్ భాటియాగా ఉంది. అక్షయ్ తండ్రి పేరు బ్రిజ్ మోహన్ భాటియా కాగా తల్లి పేరు అరుణ భాటియా. పుట్టిన తేదీ సెప్టెంబర్ 9, 1967. పుట్టిన స్థలం ఢిల్లీ కాగా ఇప్పటివరకు అక్షయ్ కెనడా సిటిజెన్‌షిప్ కలిగి ఉన్నట్టుగా అందులో పేర్కొని ఉంది. మూడు దశాబ్ధాల నుండి ఇండియాలో సినిమాలు చేస్తోన్న అక్షయ్... ఇక దిల్ ఔర్ సిటిజెన్ షిప్.. దోనో హిందుస్తానీ అని తన ట్వీట్ లో పేర్కొంటూ భారతీయులు అందరికీ స్వాతంత్ర్య దినోత్సవ శుభాకాంక్షలు! జై హింద్" అంటూ స్వాతంత్ర్య దినోత్సవ శుభాకాంక్షలు తెలిపారు.


కెనడియన్ పాస్‌పోర్ట్ కలిగి ఉన్నంత మాత్రాన్నే తాను భారతీయుడి కంటే తక్కువేం కాదన్న అక్షయ్.. తనకు పాస్‌పోర్టు వచ్చినప్పటి నుండి ఇక్కడే ఉంటున్నానని... అందుకే మిగతా వాటి గురించి ఎవరేమన్నా తాను పట్టించుకోదల్చుకోలేదని చెప్పుకొచ్చాడు.



ఇక అక్షయ్ హరిఓమ్ భాటియా రాబోయే సినిమాల విషయానికొస్తే.. అక్షయ్ కుమార్ నటించిన OMG 2 ఈ శుక్రవారమే థియేటర్లలోకొచ్చింది. ప్రస్తుతం ఈ సినిమా గదర్ 2 నుండి గట్టి పోటీని ఎదుర్కుంటోంది. ఇదే కాకుండా సూరరై పొట్రు అనే తమిళ చిత్రం అక్షయ్ హీరోగా హిందీలో రీమేక్ అవుతోంది. ఈ సినిమా సెప్టెంబర్ 1న విడుదల కానుంది. అలాగే బాలీవుడ్ యువ నటుడు టైగర్ ష్రాఫ్‌తో కలిసి బడే మియా చోటే మియా అనే యాక్షన్ థ్రిల్లర్ సినిమాలోనూ నటిస్తున్నాడు. వచ్చే ఏడాది ఈద్ పండగ సందర్భంగా ఈ సినిమా రిలీజ్ అయ్యే అవకాశాలు ఉన్నాయి. రితీష్ దేశ్‌ముఖ్‌తో కలిసి హౌస్‌ఫుల్ 5వ సీక్వెల్, హేరా ఫేరి 3 సీక్వెల్ వంటి సినిమాలు చేస్తున్నాడు.


ఇది కూడా చదవండి : Vyooham Movie: వ్యూహంపై పెరుగుతున్న అంచనాలు, సినిమాలో పాత్రలపై సర్వత్రా ఆసక్తి


అక్షయ్ కుమార్‌కి దేశ భక్తి చాలా ఎక్కువ. గతంలోనే ఇండియన్ ఆర్మీలో దేశం కోసం ప్రాణాలు అర్పించిన అమరవీరుల కోసం ఒక ప్రత్యేక ఫండ్ ఏర్పాటు చేసి ఆ నిధిని కేంద్రానికి అప్పగించాడు. వివిధ అత్యవసర సమయాల్లోనూ అక్షయ్ కుమార్ విరాళాలు అందించడం ముందే ఉండటం గొప్ప విషయం. దేశ పౌరసత్వం విషయంలో అక్షయ్ కుమార్‌ని విమర్శించడంలో ముందుండే వారు ఇలాంటి సేవా కార్యక్రమాల్లో ముందుకు రాకపోవడం ప్రతీ ఒక్కరూ గుర్తించాల్సిన విషయం


ఇది కూడా చదవండి : Rithu Chowdary: చూపులతోనే చంపేస్తావా రీతూ.. జబర్దస్త్ భామ టెంప్టింగ్ పోజులు



స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  


Android Link - https://bit.ly/3P3R74U


Apple Link - https://apple.co/3loQYe 


Twitter , Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి