Rashmi Gautam in Nagarjuna film: నాగార్జున సినిమాలో యాంకర్ రష్మీ గౌతమ్

Anchor Rashmi Gautam in Nagarjuna's next film: నాగార్జున చేస్తున్న కొత్త సినిమాలో జబర్ధస్త్ ఫేమ్ యాంకర్ రష్మీ గౌతం ఓ ముఖ్యమైన పాత్ర పోషిస్తున్నట్టు ఫిలిం నగర్ టాక్. గరుడ వేగ ఫేమ్ ప్రవీణ్ సత్తారు (Praveen Sattaru) డైరెక్షన్‌లో నాగార్జున ఓ సినిమా చేస్తున్న సంగతి తెలిసిందే. ఈ సినిమా షూటింగ్ పూర్తయిందని జరుగుతున్న ప్రచారాన్ని కొట్టిపారేసిన ప్రవీణ్ సత్తారు.. కరోనా వైరస్ కాస్త కంట్రోల్లోకి వచ్చాకా జూన్ నుంచి సెకండ్ షెడ్యూల్ ప్లాన్ చేస్తున్నట్టు తెలిపాడు. ఈ సినిమాలోనే యాంకర్ రష్మీని ఓ ముఖ్యమైన పాత్ర కోసం ఎంపిక చేసుకున్నట్టు టాక్.

ప్రవీణ్ సత్తారు గతంలో డైరెక్ట్ చేసిన గుంటూరు టాకీస్ సినిమాలో రష్మీ గౌతం హీరోయిన్‌గా నటించింది. ఈ సినిమాతో హీరోయిన్‌గా మరోసారి తన అదృష్టాన్ని పరీక్షించుకుని భంగపడిన రష్మీ గౌతంకు ప్రవీణ్ సత్తారు ఈ సారి నాగ్ సినిమాలో (Nagarjuna's next movie) ఓ చెప్పుకోదగిన పాత్ర ఆఫర్ చేసి మరో అవకాశం కల్పిస్తున్నాడని సినీవర్గాలు చెబుతున్నాయి. అయితే దీనిపై ఇప్పటివరకు ఎలాంటి అధికారిక ప్రకటన వెలువడలేదు. 

నాగార్జున సినిమా కోసం ఒకవేళ ప్రవీణ్ సత్తారు యాంకర్ రష్మీని తీసుకున్నట్టయితే.. గుంటూరు టాకీస్ మూవీలో ఆమెకు అలాంటి పాత్ర ఇచ్చిన దర్శకుడు ఈ సినిమాలో ఎలాంటి పాత్ర ఆఫర్ చేస్తాడో అనే టాక్ కూడా వినిపిస్తోంది. ఏదైమైనా... టీవీ షోలు తప్ప సినిమాలు కరువైన రష్మీ గౌతంకి (Anchor Rashmi Gautam) నాగ్ లాంటి సీనియర్ హీరోతో కలిసి స్క్రీన్ షేర్ చేసుకునే ఛాన్స్ వస్తే.. అది ఆమెకు కలిసొచ్చే అంశమే అవుతుంది. 

గతంలో సోగ్గాడే చిన్నినాయన సినిమాలో యాంకర్ అనసూయ భరద్వాజ్ (Anchor Anasuya Bharadwaj) ఓ చిన్న గెస్ట్ రోల్‌లో కనిపించి తన గ్లామర్‌తో ఆకట్టుకున్నట్టే యాంకర్ రష్మీకి కూడా అలాంటి గ్లామరస్ రోల్ దక్కనుందేమో!!