Balakrishna Kind Heart: మరోసారి మంచి మనసు చాటుకున్న బాలయ్య.. 40 లక్షలు అడిగితే మారు మాట్లాడకుండా బతికించాడు!

Balakrishna Kind Heart prooved Once Again: నందమూరి బాలకృష్ణ పైకి ఎంత కటవుగా కనిపిస్తారో లోపల అంత మంచి వాడని అంటూ ఉంటారు ఆయన అభిమానులు. ఇప్పటికే ఒకపక్క ఎమ్మెల్యేగా వ్యవహరిస్తూనే మరోపక్క సినీ హీరోగా కూడా వ్యవహరిస్తున్నారు ఆయన. అలాగే తన బసవతారకం ఇండో అమెరికన్ క్యాన్సర్ హాస్పిటల్ ద్వారా అనేక సేవా కార్యక్రమాలు చేస్తూ వస్తున్నారు. పేదలకు క్యాన్సర్ వస్తే అండగా నిలబడుతూ ఆరోగ్యశ్రీ ద్వారానే కాకుండా ఒక్కోసారి సొంత ఖర్చుతో వారి హాస్పిటల్ బిల్లు భరిస్తూ కూడా ఆయన వైద్యం అందిస్తున్నారు.

తాజాగా తెలుగు సినీ పరిశ్రమకు చెందిన ఒక అసిస్టెంట్ డైరెక్టర్ బ్రెయిన్ ట్యూమర్ బారిన పడితే అతనికి బసవతారకం ఇండో అమెరికన్ క్యాన్సర్ హాస్పిటల్ లో ఉచిత వైద్యం అందించి బ్రతికించారట. ఈ విషయం తాజాగా వెలుగులోకి వచ్చింది.  అసలు విషయానికి వస్తే బోయపాటి శ్రీను వద్ద మహేష్ యాదవ్ అనే ఒక వ్యక్తి వినయ విధేయ రామ సినిమాకి అసిస్టెంట్ డైరెక్టర్గా వ్యవహరించాడు. అయితే అతనికి ఆరోగ్యం సరిగా లేక పోవడంతో హాస్పిటల్లో చెక్ చేయిస్తే బ్రెయిన్ ట్యూమర్ వచ్చిందని తెలిసింది.

బ్రెయిన్ ట్యూమర్ తొలగించి మళ్లీ మామూలు మనిషి అవ్వాలంటే 40,00,00 అవుతుందని ప్రైవేట్ హాస్పిటల్స్ యాజమాన్యం చెప్పాయట. అయితే బోయపాటి శ్రీను ద్వారా ఈ విషయాన్ని తెలుసుకున్న బాలకృష్ణ తన తల్లి పేరిట నిర్వహిస్తున్న బసవతారకం ఇండో అమెరికన్ క్యాన్సర్ హాస్పిటల్లో జాయిన్ చేసుకుని ఉచితంగా ఆయనను మళ్ళీ మనిషిని చేశారట. ఇక ఈ విషయం తాజాగా వెలుగులోకి వచ్చింది. దీంతో నందమూరి బాలకృష్ణ అభిమానులు ఇది మా బాలయ్య అంటే కామెంట్లు చేస్తూ ఈ విషయాన్ని వెల్లడిస్తున్నారు.

బాలకృష్ణ మంచి మనసు ఎవరికీ అర్థం కాదని, ఆయన ఏం మాట్లాడినా దాన్ని వివాదాస్పదం చేయడమే కొందరికి తెలుసు కానీ ఇలాంటి మంచి పనులు చేసినప్పుడు కనీసం అభినందించలేరని వారి మీద ఫైర్ అవుతున్నారు. ఇక ఈ మధ్య కాలంలోనే బాలకృష్ణ అఖండ సినిమాతో పాటు వీర సింహారెడ్డి సినిమాలతో రెండు వరుస బ్లాక్ బస్టర్లు అందుకున్న సంగతి తెలిసిందే. అదే విధంగా అన్ స్టాపబుల్ విత్ ఎన్బికే షో ద్వారా ఆయన మరింత పాపులారిటీ కూడా దక్కించుకున్నారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.