BuchiBabu Remunerations : రెండో సినిమాకే అన్ని కోట్లా?.. నక్కతోక తొక్కిన బుచ్చిబాబు.. రామ్ చరణ్‌కు ఎన్ని కోట్లంటే?

Buchibabu Sana Remunerations ఉప్పెన సినిమాతో బుచ్చిబాబు అందరినీ ఆశ్చర్యపోయాడు. టాలీవుడ్‌ టాప్ దర్శకుల్లో బుచ్చిబాబు చేరిపోయాడు. మొదటి సినిమానే వంద కోట్లు కొల్లగొట్టేయడంతో అందరూ బుచ్చిబాబుని చూసి నోరెళ్లబెట్టేశారు. సుకుమార్ శిష్యుడిగా వచ్చి తన మార్క్ చూపించాడు. అయితే ఇప్పుడు బుచ్చిబాబు మాత్రం తన రెండో సినిమాతోనే పాన్ ఇండియన్ డైరెక్టర్ అయ్యేలా కనిపిస్తున్నాడు. బుచ్చిబాబు రెండో సినిమా విషయంలో ఎన్ని ట్విస్టులు వచ్చాయో అందరికీ తెలిసిందే.

బుచ్చిబాబు రెండో సినిమాను ముందు ఎన్టీఆర్‌తో అనుకున్నారు. అధికారికంగా కూడా చెప్పేశారు. కబడ్డీ స్పోర్ట్స్ బ్యాక్ గ్రౌండ్‌లో సినిమా ఉంటుందని చెప్పారు. చివరకు ఎన్టీఆర్ డేట్స్ అడ్జస్ట్ కాకపోవడంతో అదే సినిమాను రామ్ చరణ్‌తో తీస్తున్నాడు బుచ్చిబాబు. ఈ మేరకు రామ్ చరణ్‌ తన గౌతమ్ తిన్ననూరి ప్రాజెక్టును పక్కన పెట్టేశాడు. ఇలా చివరకు బుచ్చిబాబు రామ్ చరణ్‌ ప్రాజెక్ట్ మీద అధికారిక ప్రకటన వచ్చింది.

ఈ చిత్రాన్ని మైత్రీ, సుకుమార్ రైటింగ్స్ ప్రజెంట్ చేస్తుండగా.. సతీష్‌ కిలారు నిర్మిస్తున్నాడు. అయితే ఈ చిత్రం కోసం రామ్ చరణ్‌ తీసుకుంటున్న రెమ్యూనరేషన్, బుచ్చిబాబు తీసుకుంటున్న మొత్తం మీద వినిపిస్తోన్న టాక్ అందరినీ ఆశ్చర్యపరుస్తోంది. రెండో సినిమాకే బుచ్చిబాబు ఇంత మొత్తం తీసుకుంటున్నాడా? అని షాక్ అవుతున్నారు.

రామ్ చరణ్‌ ప్రస్తుతం వంద కోట్లు తీసుకుంటున్నాడు. ఈ సినిమాకి కూడా అంతే తీసుకుంటున్నాడట. రెండో సినిమాకే బుచ్చిబాబు ఖాతాలో ఇరవై కోట్లు పడుతున్నాయట. ఇప్పుడు బోయపాటి, త్రివిక్రమ్ వంటి వారికే ఇరవై కోట్లు అందుతున్నాయో లేదో తెలియడం లేదు. కానీ బుచ్చిబాబుకు మాత్రం ఇరవై కోట్లు ఇస్తున్నారనే టాక్ వస్తోంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.