Nandini Reddy: తీవ్ర దుఃఖంలో మునిగిన ప్రముఖ దర్శకురాలు నందినీ రెడ్డి

Nandini Reddy: తెలుగు సినీ పరిశ్రమలో విషాదం చోటుచేసుకుంది. తన సోదరి మృతి చెందడంతో ప్రముఖ దర్శకురాలు తీవ్ర విషాదంలో మునిగింది. సోదరి మృతి విషయాన్ని సామాజిక మాధ్యమాల ద్వారా పంచుకుంటూ తీవ్ర దుఃఖితురాలైంది. దీంతో ఆమెకు ధైర్యం చెబుతూ సినీ రంగాలు ప్రముఖులు సందేశం ఇస్తున్నారు. సోదరి మృతి పట్ల సంతాపం ప్రకటించారు.

తెలుగు సినీ పరిశ్రమలో మహిళా దర్శకులు చాలా చాలా తక్కువ సంఖ్యలో ఉన్నారు. వారిలో ఒకరు నందినీ రెడ్డి. అడపాదడపా సినిమాలు తీస్తూ ప్రేక్షకులకు వినోదం అందిస్తున్న నందినీ రెడ్డి జీవితంలో విషాదం అలుముకుంది. ఆమె సోదరి శాంతి కొద్దిసేపటి కింద కన్నుమూసింది. క్యాన్సర్‌తో పోరాడుతూ ఆమె మృతి చెందినట్లు తెలుస్తోంది. అయితే ఈ విషయాన్ని నందినీ రెడ్డి పంచుకోకపోయినా ఆమె రాసిన సందేశం ద్వారా తెలుస్తోంది. సోదరితో ఉన్న అనుబంధం, ఆత్మీయతను నందినీ సామాజిక మాధ్యమాల ద్వారా పంచుకుని తీవ్రంగా రోదించారు.. ఈ సందర్భంగా తన సోదరి ఫొటోను పంచుకుంటూ ఆవేదనకు గురయ్యారు.

'ఆత్మీయులను కోల్పోవడం చాలా సులభం కాదు. నాతో కలిసి పెరిగిన వారిలో ఒకరిని దూరం చేసుకోవడం ఇదే తొలిసారి. నన్ను తొలిసారిగా అక్కా అని పిలిచింది శాంతినే. ఆమె చాయా దయార్ధ కలిగిన వ్యక్తి, కల్మషం లేని ఆమె నవ్వు ఆమెకు అత్యంత బలమైన విషయం నవ్వు అని నమ్ముతా. అదే బలంతో అదే చిరునవ్వుతో ఒక పెద్ద యుద్ధంతో శాంతి పాల్గొంది' అని నందినీ రెడ్డి పంచుకున్నారు.

'నాలుగు నెలల నుంచి ఎంతో కష్టపడి పోరాడుతోంది. ఈరోజు ఆమెకు సమయం వచ్చేసింది. ఆమె ఒక ఉత్తమ కుమార్తె, సోదరి, ఉత్తమ భార్య, ఉత్తమ తల్లి, ఉత్తమ స్నేహితురాలి. నా ప్రియమైన చెల్లెలా నిన్ను ఎప్పుడూ మిస్సవుతూనే ఉంటాం' అని నందినీ పంచుకుంటూ తన సోదరి శాంతి ఫొటోను షేర్‌ చేశారు. ఇది చూసిన నెటిజన్లు ఆమెకు సానుభూతి ప్రకటిస్తూ.. శాంతి మృతికి నివాళులర్పిస్తున్నారు. సామాజిక మాధ్యమాల ద్వారా తెలుసుకున్న నందినీ స్నేహితులు, ఆత్మీయులు ఫోన్లు చేసి మాట్లాడుతున్నారు. మరింత క్లోజ్‌ వ్యక్తులు ఆమె ఇంటికి వెళ్తున్నట్లు తెలుస్తోంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.