Teja Ahimsa : నువ్వేం పీకావ్ అని పరువుతీసిన తేజ.. దెబ్బకు ఏడ్చేసిన దగ్గుబాటి అభిరామ్‌

Director Teja About Daggubati Abhiram డైరెక్టర్ తేజ్ మేకింగ్ స్టైల్ ఎలా ఉంటుందో అందరికీ తెలిసిందే. ఇక తేజ అయితే సెట్స్ మీద చాలా స్ట్రిక్ట్‌గా ఉంటాడని, అవసరం అయితే ఆర్టిస్టులను కొడతాడనే పేరు కూడా ఉంది. ఇదే విషయాన్ని తాజాగా గోపీచంద్ కూడా ప్రస్థావించాడు. గోపీచంద్ తన రామబాణం సినిమా ప్రమోషన్స్ కోసం తేజతో ఇంటర్వ్యూ చేశాడు. ఇక తేజ అడిగిన ప్రశ్నలకు గోపీచంద్ సమాధానం చెప్పాడు. గోపీచంద్ ప్రశ్నలకు తేజ కూడా శాంతంగా సమాధానం ఇచ్చాడు.

రామబాణం సినిమా గురించి, సినిమా కథ గురించి, డైరెక్టర్‌తో గొడవలు జరిగాయనే రూమర్ల మీద ఇలా తేజ బాగానే ప్రశ్నలు సంధించారు. ఎడిటింగ్‌లో ఎగిరి పోతుందని తనకు అర్థమైన సీన్లను తీయొద్దు అని డైరెక్టర్‌కు చెప్పేవాడ్ని.. కానీ ఆయన వినేవాడు కాదు.. సరే అని వదిలేసేవాడ్ని.. చివరకు ఎడిటింగ్‌లో ఆ సీన్లు పోయాయ్.. నిర్మాతకు ఖర్చు ఎందుకు అని నేను అనుకున్నాను.. అలా చిన్న చిన్నవే జరిగాయని పెద్ద గొడవలేం కాదని చెప్పుకొచ్చాడు గోపీచంద్.

ఇక సెట్‌లో మీరు అందరినీ కొడతారనే అంతా అనుకుంటారు.. కొట్టరని నాకు తెలుసు.. కానీ ఈ అహింస సినిమా విషయంలో అలాంటిదేమైనా జరిగిందా? అని గోపీచంద్ అడిగాడు. అతను పెద్ద నిర్మాత కొడుకు కదా? ఏమైనా ఇబ్బందులు ఎదురయ్యాయా? అని గోపీచంద్ ప్రశ్నించాడు. తన సెట్‌లో అందరూ సమానమే అని, మీ తాత గొప్పోడే.. మీ నాన్న గొప్పోడే.. మీ బాబాయ్ కూడా గొప్పోడే కానీ నువ్వేం పీకావ్‌? అని అభిరాంను అడిగాను. 

ఆ దెబ్బతో బ్లాంక్ అయ్యాడు.. సెట్‌లో రెండు మూడు సార్లు పక్కకి వెళ్లి ఏడ్చాడు కూడా అని తేజ చెప్పుకొచ్చాడు. అలా తన అహింసా సినిమా గురించి కూడా తేజ చెప్పుకొచ్చాడు. దర్శకుడిగా సినిమాను తీసి వాళ్లకు ఇవ్వడమే తన పని అని, విడుదల విషయంలో నిర్మాతలదే ఫైనల్ కాల్ అని, వారికి చెప్పేటనంత సీన్ తనకు లేదని తేజ అన్నాడు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.