Game Changer: యూఎస్ లో సెన్సేషన్ సృష్టించనున్న గేమ్ ఛేంజర్.. గ్రాండ్ గా ప్రీ రిలీజ్ ఈవెంట్..!

Game changer event in US: రామ్ చరణ్, డైరెక్టర్ శంకర్ దర్శకత్వంలో వస్తున్న చిత్రం గేమ్ ఛేంజర్. రాజమౌళి దర్శకత్వంలో వచ్చిన ఆర్ఆర్ఆర్ చిత్రం తర్వాత తెరకెక్కిస్తున్న చిత్రం కావడంతో అంచనాలు భారీగా పెరిగిపోయాయి.
ముఖ్యంగా రామ్ చరణ్ అత్యంత ప్రతిష్టాత్మకంగా తెరకెక్కిస్తుండడంతో మైత్రి మూవీ మేకర్స్ వారు కూడా సినిమా బడ్జెట్ విషయంలో ఏమాత్రం వెనుకడుగు వేయడం లేదు. 

అంతేకాదు ఈ సినిమా విడుదల అయ్యేటప్పుడు కూడా పోటీగా పెద్ద సినిమాలు లేకుండా చూస్తున్నారట. ఇకపోతే భారీ అంచనాల మధ్య విడుదల కాబోతున్న ఈ సినిమా వచ్చే యేడాది సంక్రాంతి కానుకగా జనవరి 10వ తేదీన విడుదల కాబోతోంది. ఈ సినిమాకి పోటీగా బాలకృష్ణ డాకు మహారాజా తో పాటు వెంకటేష్ సంక్రాంతికి వస్తున్నాం సినిమా కూడా విడుదల చేస్తున్నారు 

ఇకపోతే విడుదల తేదీ దగ్గర పడుతున్న నేపథ్యంలో సంచలనాలకు కేరాఫ్ అడ్రస్ గా నిలిచిన రామ్ చరణ్ యుఎస్ లో మరో సంచలనం సృష్టించడానికి సిద్ధమయ్యారు. ఇండియన్ సినీ హిస్టరీలో ఇప్పటివరకు మరే సినిమా చేయని అద్భుతాన్ని ఈ సినిమా ఆవిష్కరించనుంది. డిసెంబర్ 21వ తేదీన అమెరికాలో ఈ సినిమా ప్రీ రిలీజ్ ఈవెంట్ ను అత్యంత భారీగా జరిపించబోతున్నారు. 

కర్టిస్ కల్ వెల్ సెంటర్ , 4999 నామన్ ఫారెస్ట్, గార్ ల్యాండ్ టీ. ఎక్స్ 75040 ఈ ముందస్తు వేడుకకి ఇది వేదిక కానుంది . చిత్ర యూనిట్ తో పాటు ప్రముఖులందరూ కూడా ఈ వేడుకకు హాజరు కాబోతున్నారు. సినిమాపై అంచనాలను నెక్స్ట్ లెవెల్ కు చేరవేసే క్రమంలో ఛరిష్మా డ్రీమ్స్ రాజేష్ కల్లేపల్లి ఆధ్వర్యంలో ఇంత భారీగా జరగనున్న వేడుక అందరిలో కూడా ఎక్సైట్ మెంట్ ను  పెంచుతోంది.

చరిష్మా డ్రీమ్స్ ప్రొడ్యూసర్ , డిస్ట్రిబ్యూటర్ గా యూఎస్ డిస్ట్రిబ్యూషన్ ఎగ్జిబిటర్ సర్కిల్లో ఎంటర్ప్రైన్యూర్,  బిజినెస్ సర్కిల్లో కూడా గుర్తింపు సంపాదించుకున్నారు రాజేష్ . యూఎస్ లో ఒక తెలుగు సినిమాకు ఇప్పటివరకు ఇలాంటిది జరగలేదు.. జరగబోదు అనే అంతగా భారీ స్థాయిలో ప్రీ రిలీజ్ వేడుకను నిర్వహించబోతున్నారు. 

ముఖ్యంగా రామ్ చరణ్ పై ఉన్న అభిమానంతోనే రాజేష్ కల్లేపల్లి ఇంత పెద్ద ఈవెంట్ను చేస్తూ ఉండడంతో ఇండస్ట్రీ వర్గాలలో హాట్ టాపిక్ గా మారింది. ఈ నేపథ్యంలోనే రాజేష్ మాట్లాడుతూ.. తెలుగు సినిమాల్లోనే కాదు ఇండియన్ సినీ ఇండస్ట్రీలో ఇప్పటివరకు యూఎస్ లో ప్రీ రిలీజ్ ఈవెంట్  ను నిర్వహించలేదు. తొలిసారి గేమ్ చేంజర్ సినిమా కోసం భారీ ఫ్రీ రిలీజ్ ఈవెంట్ ను  అమెరికాలో చేయబోతున్నందుకు సంతోషంగా ఉంది. ఈవెంట్ ను  సక్సెస్ చేయడానికి భారీగా ప్లాన్ చేస్తున్నాము అంటూ తెలిపారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.