Extra Jabardasth Promo : అందరూ భజన అని అంటారు కానీ.. చిరు భక్తిని చాటుకున్న గెటప్ శ్రీను

Getup Srinu Emotional Comments on Chiranjeevi : జబర్దస్త్ షోతో ఫేమస్ అయిన గెటప్ శ్రీను.. ప్రస్తుతం వరుస చిత్రాలతో బిజీగా ఉన్నాడు. స్వతహాగానే మెగా అభిమాని అయిన గెటప్ శ్రీను.. సందర్భం వచ్చినప్పుడల్లా చిరంజీవి గురించి గొప్పగా చెబుతుంటాడు. గెటప్ శ్రీను మెగా అభిమాని అని అందరికీ తెలిసిందే. చిరంజీవి పక్కన ఖైదీ నెంబర్ 150 సినిమాలో నటించాడు. మళ్లీ ఇప్పుడు గాడ్ ఫాదర్ సినిమాలో నటించాడు. గాడ్ ఫాదర్ సినిమా ప్రమోషన్స్‌లోనూ గెటప్ శ్రీను ఎక్కువగా ఇన్వాల్వ్ అయ్యాడు.

అంతే కాకుండా చిరంజీవితో పాటుగా స్పెషల్ ఫ్లైట్‌లో ఆయన పక్కనే కూర్చుని ప్రయాణించాడు గెటప్ శ్రీను. అనంతపురం ఈవెంట్, ముంబైలోని ఈవెంట్‌ కోసం చిరంజీవితో కలిసి గెటప్ శ్రీను వెళ్లాడు. అయితే గాడ్ ఫాదర్ స్పూప్‌ను గెటప్ శ్రీను చేసేందుకు ప్రయత్నించాడు. ఎక్స్ ట్రా జబర్దస్త్ ప్రోమోలో గెటప్ శ్రీను కాస్తా.. గాడ్‌ ఫాదర్‌లా కనిపించాడు. అచ్చం చిరంజీవిలానే గెటప్ శ్రీను మేకప్ వేసుకుని వచ్చాడు.

ఇక ఈ స్కిట్ నిజంగానే అదిరిపోయేట్టు కనిపిస్తోంది. అయితే చిరంజీవితో పాటుగా ఫ్లైట్‌లో వెళ్లాడు.. శ్రీను అలా వెళ్తే..మా జబర్దస్త్ టీం అంతా కూడా వెళ్లినతంగా గర్వంగా మాకు ఉంది అంటూ రామ్ ప్రసాద్ ఎమోషనల్ అయ్యాడు. మీరు అలా ఎంట్రీ ఇస్తుంటే.. నాకు చిరంజీవి గారిని చూసినట్టే ఉందని కుష్బూ దండం పెట్టేసింది.

చిరంజీవి గారి గురించి చెబుతుంటే అందరూ భజన భజన అని అంటున్నారు కానీ దేవుడికి భక్తుడు అది మాత్రమే చేయగలడు అంటూ తన భక్తిభావాన్ని చాటుకున్నాడు గెటప్ శ్రీను. ప్రస్తుతం ఈ ప్రోమో నెట్టింట్లో వైరల్ అవుతోంది. అసలే చిరంజీవి అంటే ఇష్టమున్న గెటప్ శ్రీను.. ఇలా స్టేజ్ మీద ఎమోషనల్ అవ్వడంతో అందరికీ కనెక్ట్ అయింది.

బుల్లితెర, వెండితెర అనే తేడా లేకుండా గెటప్ శ్రీను ఫుల్ బిజీగా ఉంటున్నాడు. ఓ వైపు సినిమాల్లో కారెక్టర్ ఆర్టిస్ట్‌గా చేస్తూనే.. హీరోగానూ సినిమాలు చేస్తున్నాడు. ఇక మరో వైపు బుల్లితెరపైనా జబర్దస్త్ షోను చేస్తూ క్షణం తీరిక లేకుండా పని చేస్తున్నాడు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.