Hyper Aadi Shraddha Das : శ్రద్దాదాస్‌తో హైపర్ ఆది సరసాలు.. అత్తారింటికి దారేది టైపులో అర్ధగంట కావాలంట

Dhee 15 Championship Battle Latest Promo బుల్లితెరపై హైపర్ ఆదికి తిరుగులేదు. ఆది పంచ్‌లకు కౌంటర్లు వేసే వారు చాలా తక్కువ. ఇక ఇప్పుడు బుల్లితెరపై ఎంటర్టైన్మెంట్ షోలు అంటే అందరికీ ఆదినే గుర్తుకు వస్తాడు. ఇటు శ్రీదేవీ డ్రామా కంపెనీ, అటు ఢీ షోలను చేస్తూ ఉన్నాడు. మధ్య మధ్యలో జబర్దస్త్ షోకు వస్తున్నాడు.. వెళ్తున్నాడు. అయితే అతను చేసే షోల్లో జడ్జ్‌లతో యాంకర్లతో పులిహోర కలిపేస్తుంటాడు హైపర్ ఆది. ఢీ షోలో అయితే వచ్చిన ప్రతీ జడ్జ్‌తో ట్రాక్ కలిపేందుకు ఆది ప్రయత్నిస్తుంటాడు.

జబర్దస్త్ షోలో అప్పుడు అనసూయతో ఇప్పుడు యాంకర్ సౌమ్యతో ఆది ట్రాక్ నడిపేందుకు ప్రయత్నిస్తుంటాడు. ఇక జబర్దస్త్ డైరెక్షన్ టీం ఆదితోనే ఇలాంటి ట్రాకులను ఎక్కువగా ప్లాన్ చేస్తుంటుంది. ఢీ షోకు అయితే ఆదియే స్క్రిప్ట్ రైటర్. అందుకే అంతా కూడా ఆది కేంద్రంగానే నడుస్తున్నట్టుగా అనిపిస్తుంది. ప్రదీప్ మీద అయినా, కో యాంకర్ల మీద అయినా, టీం లీడర్ల మీద అయినా, చివరకు జడ్జ్‌ల మీద అయినా ఆది పంచ్‌లు వేస్తుంటాడు.

తాజాగా అత్తారింటికి దారేది సినిమా టైపులో సీన్ రీ క్రియేట్ చేసే ప్రయత్నం చేశాడు ఆది. క్లైమాక్స్ రైల్వే స్టేషన్ సీన్‌లాంటి చేసేందుకు ప్రయత్నించాడు ఆది. శ్రద్దాతో ఒంటరిగా ఓ అర్దంంట మాట్లాడాలంట.. అందుకే ఈ స్టేజ్‌ను ఖాళీ చేయించు అని జెస్సీతో ఆది అంటాడు. అత్తారింటికి దారేది స్టైల్లో చేద్దామని అనుకున్నాడు. కానీ చివరకు జెస్సీ గాలి తీసేశాడు.

అందరినీ పంపించమని అంటాడు.. గణేష్ మాస్టర్‌కు ఫ్లైట్ వేసి బయటకు పంపించి అంటాడు. మరి శ్రద్దాను? అని జెస్సీ అడుగుతాడు. మాట్లాడేదే శ్రద్దాతో అయితే.. ఆమెకు బయటకు పంపిస్తే ఎవరితో మాట్లాడాలిరా అంటూ జెస్సీని కొట్టేస్తాడు ఆది. ఇక ఇదంతా చూస్తూ శ్రద్దా దాస్ తెగ నవ్వేస్తుంటుంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.