Peda Kapu 1: శ్రీకాంత్‌ అడ్డాల మూవీ నుంచి జాతర సాంగ్ వచ్చేసింది.. మీరు చూసేయండి..

Peda Kapu 1 Songs:  నారప్ప తర్వాత శ్రీకాంత్‌ అడ్డాల (Srikanth Addala) తెరకెక్కిస్తున్న చిత్రం పెదకాపు 1 (Peda Kapu 1). ఏ కామన్‌ మ్యాన్‌ సిగ్నేచర్‌ ట్యాగ్‌లైన్‌తో ఈ మూవీ రూపొందుతుంది. ఈ మూవీ ద్వారా విరాట్ కర్ణ (Virat Karrna) హీరోగా టాలీవుడ్ ఎంట్రీ ఇస్తున్నాడు. ఇప్పటికే రిలీజైన ఫస్ట్‌ లుక్‌, మోషన్‌ పోస్టర్‌కు ఆడియెన్స్ నుంచి అదిరిపోయే రెస్పాన్స్ వచ్చింది. 

తాజాగా ఈ సినిమా నుంచి జాతర లిరికల్ వీడియో సాంగ్‌ను విడుదల చేశారు మేకర్స్. దుర్గమ్మ జాతర నేపథ్యంలో సాగుతున్న ఈ పాటకు మిక్కీ జే మేయర్ సంగీతం అందించారు. ఈ సాంగ్ ను అనురాగ్ కులకర్ణి పాడగా.. కళ్యాణచక్రవర్తి త్రిపురనేని రాశారు. రాజు సుందరం డ్యాన్స్ కొరియోగ్రఫీ చేసిన ఈ సాంగ్ ఫ్యాన్స్ ను ఆకట్టుకుంటోంది. ఈ చిత్రాన్ని ద్వారకా క్రియేషన్స్ బ్యానర్‌పై మిర్యాల రవీందర్‌ రెడ్డి నిర్మిస్తున్నారు. ప్రస్తుతం ఈ మూవీ షూటింగ్ చివరిదశలో ఉంది. చోటా కే నాయుడు సినిమాటోగ్రాఫర్ గా పనిచేయగా.. యాక్షన్ సీన్స్ ను పీటర్‌ హెయిన్స్‌ కంపొజ్ చేశారు. ఈ సినిమాకు సీక్వెల్ కూడా రానుంది. 

రీసెంట్ గా రిలీజైన ఈ మూవీ టీజర్ కూడా ఆడియెన్స్ లో ఎనలేని క్యూరియాసిటీని క్రియేట్ చేసింది. ఈ మూవీ ప్రచార చిత్రం విశ్వవిఖ్యాత నట సార్వభౌముడు నందమూరి తారకరామారావు వాయిస్ ఓవర్‌తో మెుదలవుతుంది. కులాల మధ్య ఆధిపత్యాలు, వర్గ పోరాటాలు, రాజకీయాల నేపథ్యంలో ఈ మూవీని తెరకెక్కిస్తున్నట్లు టీజర్ చూస్తే అర్థమవుతోంది. ఈ చిత్రంలో రావు రమేశ్, నాగబాబు, తనికెళ్ల భరణి, ప్రగతి శ్రీవాత్సవ, బ్రిగాడ సాగా, రాజీవ్ కనకాల, అనసూయ, ఈశ్వరీ రావు తదితరులు కీ రోల్స్ చేశారు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.