indian 2 Shoot in Tirupati : తిరుపతిలో ఇండియన్ 2 షూటింగ్.. సిద్దార్థ్ ఎంట్రీ కూడా అక్కడే

Kamal Haasan indian 2 Movie Shoot శంకర్ తెరకెక్కించే సినిమాలు ఎంత గ్రాండియర్‌గా ఉంటాయో ప్రత్యేకంగా చెప్పాల్సిన పని లేదు. అయితే శంకర్ చిత్రాలు బాక్సాఫీస్ వద్ద ఎక్కువగా క్లిక్ అవ్వలేదు. కానీ శంకర్ సినిమాలకు ఉండే క్రేజ్ మాత్రం ఎప్పుడూ తగ్గలేదు. ఒకప్పుడు కమల్ హాసన్‌తో చేసిన ఇండియన్ సినిమా నేషనల్ వైడ్‌గా క్లిక్ అయింది. ఆ సినిమాకు సీక్వెల్ అంటూ ఇండియన్ 2ను కరోనా కంటే ముందు మొదలుపెట్టేశారు. కానీ సినిమా షూటింగ్ సమయంలో ప్రమాదం జరగడం, టెక్నీషియన్స్ చనిపోవడంతో సినిమాను పక్కన పెట్టేశారు.

ఆ తరువాత శంకర్ తెలుగులో సినిమా చేసేందుకు రెడీ అయ్యాడు. దిల్ రాజు నిర్మాణంలో రామ్ చరణ్‌ హీరోగా శంకర్ సినిమా చేస్తున్నాడు. ఈ సినిమా షూటింగ్ కూడా దాదాపుగా పూర్తి కావొస్తుంది. ఇప్పుడు శంకర్ నెలలో సగం రోజులు రామ్ చరణ్ కోసం, కమల్ హాసన్ కోసం మిగిలిన సగం రోజులు కేటాయిస్తున్నాడు.

తాజాగా ఇండియన్ 2 మూవీ షూటింగ్‌ అప్డేట్ వచ్చింది. ఈ మూవీ షూటింగ్‌ను తిరుపతిలో ప్రారంభించారట. ఈ షెడ్యూల్‌లోనే సిద్దార్థ్ఎంట్రీ ఇవ్వబోతోన్నట్టుగా తెలుస్తోంది. ఈ చిత్రంలో కాజల్‌ అగర్వాల్‌, రకుల్‌ప్రీత్‌ సింగ్‌ హీరోయిన్లుగా నటిస్తున్న విషయం తెలిసిందే. లైకా ప్రొడక్షన్స్‌, రెడ్‌ జెయింట్‌ సంస్థలు సంయుక్తంగా ఈ చిత్రాన్ని నిర్మిస్తున్నాయి. 

ఇప్పుడు కాస్త గ్యాప్ తరువాత ఈ చిత్రం షూటింగ్‌ను ప్రారంభించారు. ఈ సినిమాలోని కీలక సన్నివేశాలను ఆదివారం నుంచి తిరుపతి పరిసర ప్రాంతాల్లో చిత్రీకరించనున్నారు. శంకర్ ఈ రెండు చిత్రాలను ఒకే సారి షూటింగ్ చేస్తుండటం, రెండు సినిమాలను పాన్ ఇండియన్‌ స్థాయిలోనే తెరకెక్కిస్తున్నాడు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.