Actor Lohithaswa: అఖండ నటుడి ఇంట తీవ్ర విషాదం.. ఏమైందంటే?

Veteran Kannada Actor Lohithaswa Passes Away: అఖండ, జై లవకుశ, అరవింద సమేత వీర రాఘవ వంటి సినిమాల్లో నటించిన నటుడు శరత్ లోహితాశ్వ ఇంట తీవ్ర విషాదం నెలకొంది. ఆయన తండ్రి, ప్రముఖ కన్నడ నటుడు లోహితాశ్వ గత కొంతకాలంగా అనారోగ్యంతో బాధపడుతూ బెంగుళూరులోని ఓ ప్రైవేట్ ఆసుపత్రిలో తుదిశ్వాస విడిచారు. ఆయన వయస్సు ప్రస్తుతం 80 ఏళ్లు. మంగళవారం మధ్యాహ్నం 2.40 గంటల ప్రాంతంలో ఆయన తుది శ్వాస విడిచారని తెలుస్తోంది.

ఆయన కుమారుడు, నటుడు యష్ లోహితాశ్వ మాట్లాడుతూ ఇటీవల తన తండ్రి గుండెపోటుకు గురయ్యాడని, అలాగే కొంతకాలంగా మెదడు సంబంధిత రుగ్మతలతో బాధపడుతున్నాడని వెల్లడించారు. తర్వాత ఆయన ఆరోగ్యంలో కొంత మెరుగుదల కనిపించినా, తర్వాత మళ్లీ క్షీణించడం ప్రారంభించిందని అన్నారు. ఇక తన తండ్రి అభిమానులు, స్నేహితులు మరియు ఇతరుల కోసం బెంగళూరులోని తమ నివాసం, కుమారస్వామి లేఅవుట్‌లో బుధవారం ఉదయం వరకు ఆయన మృతదేహాన్ని అంత్యక్రియల కోసం ఉంచుతామని యశ్ లోహితాశ్వ మీడియాకు వెల్లడించారు.

ఆ తర్వాత తుమకూరు జిల్లాలోని ఆయన పూర్వీకుల నివాసం తొండగెరెలో లోహితాశ్వ అంత్యక్రియలు నిర్వహించనున్నామని ఆయన అన్నారు. లోహితాశ్వ నటుడు మాత్రమే కాదు ఒక నాటక రచయిత, రిటైర్డ్ ఇంగ్లీష్ ప్రొఫెసర్ కూడా. ఆయన 'ఎకె 47', 'దాదా', 'దేవా', 'ని బారెడ కాదంబరి', 'సాంగ్లియానా' వంటి కన్నడ సినిమాల్లో నటించారు. ఇక ఆయన టీవీ సీరియల్స్ లో కూడా కీలక పాత్రలలో నటించారు. ఆయన 'అంతిమ్ రాజా', 'గృహభంగ', 'మాల్గుడి డేస్', 'నటిరాణి శాంతల' మొదలైన వాటిలో నటించారు.

కర్ణాటక ముఖ్యమంత్రి బసవరాజు బొమ్మై కూడా లోహితాశ్వ మరణంపై ట్వీట్ చేసి నివాళులర్పించారు. ఆయన తన అద్భుతమైన నటనతో అభిమానుల హృదయాలలో ప్రత్యేక స్థానాన్ని పొందారని ఆయన ఆత్మకు శాంతి చేకూరాలని ఆ భగవంతుడిని ప్రార్థిస్తూ ఆయన కుటుంబ సభ్యులకు ఈ నష్టాన్ని భరించే శక్తిని ఇవ్వాలని ప్రార్థిస్తున్నానని ఆయన ట్వీట్లో పేర్కొన్నారు. 
Also Read: Apsara Rani Hot Photos: అప్సరా రాణి అదిరే అందాలు.. వైల్డ్ గర్ల్ అంటూ బికినీ ట్రీట్!

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.