Kantara Chapter 1 : ‘కాంతార’ ఛాప్టర్ 1 టీమ్ యూనిట్ కు ఘోర రోడ్డు ప్రమాదం.. బస్సు బోల్తా ..

Kantara Chapter 1 Bus Accident:  రిషబ్ శెట్టి కథానాయకుడిగా నటిస్తూ డైరెక్ట్ చేసిన చిత్రం ‘కాంతార’. కన్నడ సహా ప్యాన్ ఇండియా భాషల్లో ఈ చిత్రం బాక్సాఫీస్ దగ్గర మంచి వసూళ్లను రాబట్టింది. ఈ సినిమా సక్సెస్ నేపథ్యంలో ఈ మూవీకి ప్రీక్వెల్ గా ‘కాంతార ఛాప్టర్ 1’ సినిమాను తెరకెక్కిస్తున్నారు. ప్రస్తుతం షూటింగ్ దశలో ఉంది. ఇక కాంతార మూవీతో జాతీయ ఉత్తమ నటుడు అవార్డును రిషబ్ శెట్టి అందుకున్నాడు. తాజాగా ఈ సినిమా షూటింగ్ కర్ణాటకలోని కొల్లూరు సమీపంలో జడ్కల్ ప్రాంతంలో ఈ సినిమా షూటింగ్ ముగించుకొని 20 మంది జూనియర్ ఆర్టిస్టులతో వస్తోన్న మినీ బస్సు బోల్తా పడింది. ముదూరులో షూటింగ్ కంప్లీట్ చేసుకొని కొల్లూరు వస్తుండగా ఈ ప్రమాదం చోటు చేసుకుంది.  ఇందులో దాదాపు 6 మంది తీవ్ర గాయాలయ్యాయి. మిగతా వారు స్పల్పంగా గాయపడ్డారు. తీవ్రంగా గాయపడ్డ వారినీ సమీపంలోని ఆసుపత్రికి తరలించి చికిత్స అందిస్తున్నారు.

కాంతార మూవీ విషయానికొస్తే.. రిషబ్ శెట్టి వాళ్ల సొంత గ్రామంలో జరిగిన రియల్ లైఫ్ ఇన్సిడెంట్స్ ఆధారంగా  ఈ చిత్రాన్ని అత్యద్భుతంగా తెరకెక్కించాడు. అంతేకాదు ఆ పాత్రలో లీనమైపోయాడు రిషబ్.  చివరి అరగంట మనల్ని ఆధ్యాత్మిక లోకంలో విహరింప జేసాడనే చెప్పాలి. అంతేకాదు ఈ సినిమాలోని నటనకు జాతీయ స్థాయిలో ఉత్తమ నటుడిగా అవార్డు అందుకోవడం విశేషం. ఈ చిత్రానికి ప్రేక్షకుల రివార్డులతో పాటు అవార్డులు రావడం విశేషం. హెంబళే ఫిల్మ్స్ పతాకంపై విజయ్ కిరంగదూర్ ఈ సినిమాను నిర్మించారు.  

తక్కువ బడ్జెట్ తో తెరకెక్కిన ‘కాంతార’ సినిమా అద్భుతమైన దేవోషనల్ విక్టరీ  సాధించింది. చిన్న సినిమాగా వచ్చిన ‘కాంతార’ సినిమా బాక్సాఫీస్ వద్ద ఏకంగా రూ.400 కోట్లను వసూళ్లు చేసి ఔరా అనిపించింది. అంతేకాదు కేజీఎఫ్ తర్వాత కన్నడ సినిమాకు జాతీయ స్థాయిలో గుర్తింపు తీసుకొచ్చింది చిత్రం.  తాజాగా కాంతార మూవీకి ముందు ఏం జరిగిందనే కాన్సెప్ట్ తో ‘కాంతార ఛాప్టర్ 1’ చిత్రాన్ని తెరకెక్కిస్తున్నాడు డైరెక్టర్ కమ్ హీరో రిషబ్ శెట్టి. కాంతార లో చూపించిన కథకు ముందు జరిగే కథతో కాంతార : చాప్టర్‌ 1 టైటిల్‌తో ఆడియన్స్ ముందుకు ఈ సినిమా వస్తోంది.

‘కాంతార’ను లో బడ్జెట్‌ చిత్రంగా తెరకెక్కించాడు. కానీ కాంతార ఛాప్టర్ 1 రిషబ్‌ శెట్టి ఈసారి వంద కోట్లకు మించిన బడ్జెట్‌తో తెరకెక్కిస్తున్నాడు. భారీ బడ్జెట్‌తో రూపొందుతున్న ఈ చిత్రం షూటింగ్‌ ఇప్పటికే శరవేగంగా జరుగుతోంది. 2025లో అక్టోబర్ 2న ఈ చిత్రాన్ని విడుదల చేస్తున్నట్టు అదికారికంగా ప్రకటించారు. మరి యాక్సిడెంట్ నేపథ్యంలో ఈ సినిమా రిలీజ్ డేట్ లో ఏమైనా మార్పులు చేర్పులు చోటు చేసుకుంటాయా అనేది చూడాలి.  

ఇదీ చదవండి : Shraddha Kapoor: చిరంజీవికి శ్రద్ధా కపూర్ కు ఉన్న రిలేషన్ తెలుసా.. ఫ్యూజులు ఎగిరిపోవడం పక్కా..

ఇదీ చదవండి : Balayya Heroine: ఎఫైర్స్ తో టాక్ ఆఫ్ ది ఇండస్ట్రీగా నిలిచిన బాలయ్య భామ.. మైండ్ బ్లాంక్ చేస్తోన్న హీరోయిన్ ఫ్లాష్ బ్యాక్..

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.