KGF 2 Trailer: కేజీఎఫ్​ 2 ట్రైలర్​ రక్తంతో రాసిన కథ ఇది.. `నాకు ఎవ్వడి దోస్తీ అక్కర్లేదు`!

KGF 2 Trailer: దేశంలో ఇప్పుడు పాన్ ఇండియా మూవీల హవా నడుస్తోంది. ఇప్పటికే ఆర్​ఆర్​ఆర్​ మూవీ విడుదలై.. సంచలనం సృష్టిస్తుండగా.. ఇప్పుడు కేజీఎఫ్​ చాప్టర్​-2 ట్రైలర్​ విడుదలైంది. కేజీఎఫ్​ సృష్టించిన సంచలనంతో.. దానికి కొనసాగింపు అయిన కేజీఎఫ్​-2పై దేశవ్యాప్తంగా భారీ అంచనాలు ఉన్నాయి. తాజాగా ఈ సినిమాకు సంబంధించి ట్రైలర్​ను విడుదల చేసింది చిత్ర యూనిట్​.

ట్రైలర్​ ఆరంభం నుంచి ముంగింపు వరకు అదిరే డైలాగ్స్​తో సాగుతుంది. రెండో భాగాన్ని ప్రకాశ్​ రాజ్​ వాయిస్​ ఓవర్​తో కంటిన్యూ చేయనున్నట్లు ఇందులో రివీల్​ అయ్యింది. 'రక్తంతో రాసిన కథ ఇది.. సిరాతో ముందుకు తీసుకెళ్లలేం' అంటూ ప్రకాశ్​ రాజ్ చెప్పే డైలాగ్స్​ ఆసక్తి రేపుతున్నాయి.

ఇక అదిరా చెప్పే.. 'కత్తి విసిరి.. రక్తం చిందించి యుద్ధం చేసేది.. నాశనానికి కాదు.. ఉద్దరించడానికి. అక్కడ పడే పీనుగులు కూడా పనికొస్తాయి. కావాలంటే.. రాబందులనడుగు' అనే డైలాగ్స్​ మరో లెవల్లో ఉన్నాయి.

'హీ ఇజ్​ద బిగ్గెస్ట్​ క్రిమినల్​.. హీ ఇజ్​ బిగ్గెస్ట్​ బిజినెస్​ మ్యాన్​.. దిస్​ ఇజ్​ ద బిగ్గెస్ట్​ నేషనల్​ ఇష్యూ' అంటూ రావు రమేష్​ చెప్పే డైలాగ్స్​ ఆకట్టుకుంటున్నాయి.

ఇక.. రాఖీ (యశ్​) చెప్పే డైలాగ్స్​ గూస్​బంప్స్ తెప్పిస్తున్నాయి. వైలెన్స్​.. వైలెన్స్​.. వైలెన్స్​.. నాకు నచ్చదు. దానిని నేను పక్కన పెడతాను. కానీ వైలెన్స్​కు నేనంటే ఇష్టం. అందుకే నేను దానిని నేను వదలలేను అంటూ చెప్పే డైలాగ్​ ట్రైలర్​కు హైలైట్​. ఇక 'నాకు ఎవ్వడి దోస్తీ అక్కర్లేదు.. నాతో దుష్మని ఎవ్వడూ తట్టుకోలేడు' అని చెప్పే చివరి డైలాగ్​.. సినిమా ఎప్పుడు విడుదలవుతుందా.. ఎప్పుడు చూసేద్దామా.. అనే ఉత్కంఠను పెంచేస్తున్నాయి. కేజీఎప్-2 ఏప్రిల్​ 14న ప్రేక్షకుల ముందుకు రానుంది. ఈ సినిమాకు ప్రశాంత్​ నీల్ దర్శకత్వం వహించారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి. 

Android Link - https://bit.ly/3hDyh4G

Apple Link - https://apple.co/3loQYe