Koratala Siva Skipped a Movie Event: అదేమిటి ఒక సీనియర్ డైరెక్టర్ అనేక హిట్లు కొట్టిన కొరటాల శివ మీడియాకి ముఖం చాటు వేయడం ఏమిటి? అనుకుంటున్నారా. అవును నిజమే ఆచార్య సినిమా కంటే ముందు కొరటాల శివ అనేక సూపర్ హిట్ సినిమాలకు డైరెక్షన్ చేశారు. కానీ ఆయన టైం బాగోకపోవడంతో మెగాస్టార్ చిరంజీవి, మెగా పవర్ స్టార్ రామ్ చరణ్ తో కలిసి చేసిన ఆచార్య డిజాస్టర్ గా నిలిచింది. వాస్తవానికి ఈ సినిమాని టోకున కొని అమ్ముకొని లాభపడదామని అనుకుంటే అది రివర్స్ కావడంతో ఆయనకు తలకు మించిన భారంగా మారింది.


COMMERCIAL BREAK
SCROLL TO CONTINUE READING

అయితే ఎన్నో తంటాలు పడి ఎట్టకేలకు ఆ ఆర్థిక సమస్యల నుంచి ఆయన బయటపడ్డారు. అయితే మరో పక్క ఎన్టీఆర్ తో ప్రారంభించాల్సిన 30వ సినిమా కూడా అనేక కారణాలతో వాయిదా పడుతూ రావడం కూడా ఆయనకు మరో టెన్షన్ గా మారింది. వాస్తవానికి ఆయన మీడియా ముందుకు వచ్చేందుకు కూడా ఇప్పుడు ఈ టెన్షన్ కారణంగా భయపడుతున్నారని అంటున్నారు. కొరటాల శివ ఒక చిన్న సినిమా ఈవెంట్ కు చీఫ్ గెస్ట్ గా హాజరు కావాల్సి ఉంది.


లవ్ యు రాం అనే సినిమా ఈవెంట్ కి వివి వినాయక్ తో కలిసి కొరటాల శివ రావాల్సి ఉంది. కానీ ముందు రావాలని అనుకున్నా తరువాత ఎందుకో ఆయన వెనక్కి తగ్గినట్లు తెలుస్తోంది. ఈ ఈవెంట్ కి హాజరైతే ఆయన ఆచార్య గురించి అలాగే ఎన్టీఆర్ థర్టీ సినిమా గురించి కూడా కామెంట్ చేస్తారని అందరూ భావించారు. కానీ అనూహ్యంగా ఆయన చివరి నిమిషంలో ఈ కార్యక్రమానికి స్కిప్ అయినట్లు తెలుస్తోంది. సీనియర్ డైరెక్టర్ దశరథ్ ఈ సినిమాతో నిర్మాతగా మారుతున్నారు.


అలాగే ఆయన ఈ సినిమాకి కథ కూడా అందించారు. దశరథ్ కు సినీ పరిశ్రమలో చాలా మంది దర్శకులతో పరిచయాలు ఉన్నాయి. కానీ ఆచార్య సినిమా తర్వాత బయటకు రాకుండా లోపల ఉండిపోయిన కొరటాల శివను తన ఒక సినిమా ఈవెంట్ కి పిలిస్తే మీడియాలో మంచి బజ్  ఏర్పడుతుందని భావించిన దశరథ్ ఆయన రమ్మని కోరారు. ముందు వస్తానని చెప్పిన కొరటాల శివ ఎందుకు చివరి నిమిషంలో రాలేనని చెప్పినట్లు తెలుస్తోంది.


అయితే ఈ విషయంలో అటు దశరథ్ తో పాటు ఇటు ఎన్టీఆర్ అభిమానులు కూడా కాస్త బాధ పడుతున్న పరిస్థితి కనిపిస్తుంది. ఎందుకంటే ఆచార్య వ్యవహారం గడిచిపోయింది, దాని గురించి మాట్లాడిన మాట్లాడకపోయినా ఎన్టీఆర్ థర్టీ సినిమా గురించి ఆయన మాట్లాడితే బాగుండేదని ఆయన వచ్చి తమకు మరింత బూస్ట్ ఇస్తాడని భావిస్తే ఆయన రాయకుండా ఇంట్లోనే కూర్చుని మమ్మల్ని బాధపెడుతున్నాడని వారు కామెంట్లు చేస్తున్నారు.


Also Read: Bigg Boss Telugu: ఈ వారం బిగ్ బాస్ లో ఆసక్తికర ఎలిమినేషన్.. ఎవరు ఎలిమినేట్ అయ్యారంటే?


Also Read: Salman Khan Wig : సల్మాన్ ఖాన్ విగ్.. నెటిజన్ల ట్రోలింగ్.. ఆ లుక్కేంటి అంటూ కౌంటర్లు



స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  


ఆండ్రాయిడ్ లింక్ -  https://bit.ly/3P3R74U 


ఆపిల్ లింక్ -  https://apple.co/3loQYe 


మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిTwitter , Facebook