Manchu Manoj Tweet: పొద్దున్న అన్నతో గొడవ.. బాధగా ఉందంటూ మంచు మనోజ్ ట్వీట్!

Manchu Manoj Condolences to Ajith Father Death: మంచు మనోజ్ మంచు విష్ణు మధ్య దూరం ఉందనే వార్తలు ఇప్పటివి కాదు. వీరిద్దరికీ చాలా గ్యాప్ ఉందని చాలా కాలం నుంచి ప్రచారం జరుగుతూ వచ్చింది. కానీ ఈ రోజు ఉదయం మంచు మనోజ్ తన ఫేస్బుక్ పేజీ స్టోరీస్ లో షేర్ చేసిన ఒక 20 సెకండ్లు వీడియో వీరిద్దరి మధ్య వివాదం ఉందనే విషయాన్ని తెరమీదకు తీసుకొచ్చింది. మంచు విష్ణు తన బంధువుల ఇళ్లలోకి వచ్చి ఇలా బలవంతం చేస్తూనే ఉంటాడంటూ మంచు మనోజ్ మాట్లాడుతున్న వీడియో సోషల్ మీడియాలో విపరీతంగా వైరల్ అయింది.

మంచు మనోజ్ దగ్గర ప్రస్తుతానికి పనిచేస్తున్న సారధి అనే వ్యక్తి ఇంటికి వచ్చి మంచి విష్ణు బలవంతం చేసినట్లు వీడియోలో కనిపిస్తుంది. అయితే ఈ వివాదం అసలు ఏంటో ఏమీ క్లారిటీ లేదు కానీ మీడియాలో, సోషల్ మీడియాలో రకరకాల కథనాలు అయితే పుట్టుకొస్తున్నాయి. మంచు మోహన్ బాబు సీరియస్ అవ్వడంతో ఎట్టకేలకు మంజు మనోజ్ ఆ వీడియో డిలీట్ చేసినట్లుగా కూడా చెబుతున్నారు. ఇక తర్వాత మంచు లక్ష్మి కూడా ఈ విషయం మీద మీడియాతో స్పందించింది.

చిన్న గొడవ అని తన సోదరులు తనకు చెప్పారని ఈ విషయం మీద నిజా నిజాలు తెలుసుకున్నాకే ఏదైనా మీడియా స్పందించాలని ఆమె కోరింది. మోహన్ బాబు ప్రస్తుతానికి ఊర్లో లేరు కాబట్టి అసలు ఏం జరిగిందో తాను కనుక్కునే ప్రయత్నం చేస్తున్నానని ఆమె పేర్కొంది. అయితే ఈ విషయం మీద ఉదయం నుంచి ఇంత రచ్చ జరుగుతుంటే ఈ విషయాల మీద ఏ మాత్రం స్పందించని మంచు మనోజ్ హీరో అజిత్ తండ్రి మరణం మీద మాత్రం స్పందించారు.

అజిత్ తండ్రి పిఎస్ మణి చనిపోవడం చాలా బాధాకరంగా ఉంది ఆయన ఆత్మకు శాంతి చేకూరాలని కోరుకుంటున్నాననీ పేర్కొన్నారు. అజిత్ గారికి ఆయన కుటుంబానికి ఈ బాధకు తట్టుకునే శక్తి ప్రసాదించాలని భగవంతుని ప్రార్థిస్తున్నానంటూ మంచు మనో స్వీట్ చేశారు. అయితే ఈ విషయం మీద మంచు మనోజ్ అభిమానులు పెద్ద ఎత్తున కామెంట్లు చేస్తున్నారు. మంచు విష్ణు అన్నతో జరిగిన గొడవ ఏమిటి ఆ విషయం మీద ఏదో ఒక క్లారిటీ ఇవ్వకపోతే రకరకాల ప్రచారాలు జరుగుతాయి దయచేసి ఆ విషయం మీద క్లారిటీ ఇవ్వాలని వాళ్లంతా కోరుతున్నారు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.