Mr Idiot: మిస్టర్ ఇడియట్ గా రాబోతున్న రవితేజ సోదరుడు కుమారుడు.. ఫస్ట్ లుక్ విడుదల..

Mr Idiot First Look Released:  మాస్ మహారాజా రవితేజ ఫ్యామిలీ నుంచి హీరో రాబోతున్నాడు. రవితేజ తమ్ముడు రఘు కుమారుడు మాధవ్ హీరోగా టాలీవుడ్ ఎంట్రీ ఇవ్వబోతున్నాడు. మాధవ్ గతంలో రవితేజ నటించిన ఇడియట్  మూవీ టైటిల్ ను తాజాగా తన సినిమాకు పెట్టుకున్నాడు. ఈ మూవీకి 'మిస్ట‌ర్ ఇడియ‌ట్' (Mister Idiot) అనే టైటిల్‌ను ఖ‌రారు చేశారు మేకర్స్. గౌరి రొణంకి దర్శకత్వం వహిస్తున్న ఈ మూవీలో సిమ్రాన్ శ‌ర్మ హీరోయిన్‌గా న‌టిస్తోంది. 

సెప్టెంబరు 08(శుక్రవారం)న మాధవ్ పుట్టినరోజు. అతడి బర్త్ డే సందర్భంగా మిస్టర్ ఇడియట్ ఫస్ట్ లుక్ పోస్టర్ ను దర్శకేంద్రుడు కే రాఘవేంద్రరావు విడుదల చేశారు.  ఈ మూవీకి అనూర్ రూబెన్స్ సంగీతం అందించారు. ఈ సినిమా షూటింగ్ దాదాపు కంప్లీట్ అయింది. త్వరలోనే ఈ మూవీ ప్రేక్షకుల ముందుకు రానుంది. ఈ చిత్రాన్ని నవంబరులో రిలీజ్ చేసేందుకు సన్నాహాలు చేస్తున్నట్లు నిర్మాత జేజేఆర్ రవిచంద్ తెలిపారు. 

ఈ మూవీ కంటే ముందు ఏయ్ పిల్లా అనే సినిమాకు మాధవ్ గ్రీన్ సిగ్నల్ ఇచ్చాడు. ఈ చిత్రానికి డైరెక్ట‌ర్ ర‌మేష్ శ‌ర్మ క‌థ‌, స్క్రీన్‌ప్లే అందించారు. దీంతోనే మాధవ్ టాలీవుడ్ ఎంట్రీ ఇవాల్సి ఉంది. కొన్ని కారణాల వల్ల ఈ చిత్రం ఆగిపోయింది. దీంతో మాధవ్ తొలి సినిమాగా మిస్టర్ ఇడియట్ రానుంది. గౌరి రోణంకి గతంలో రోషన్, శ్రీలీల హీరోహీరోయిన్లుగా నటించిన పెళ్లి సంద‌డి సినిమాకు గౌరి రోణంకి డైరెక్షన్ చేశారు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.