Geetha Madhuri: సింగర్ గీతామాధురి మళ్లీ తల్లి కాబోతున్న విషయాన్ని గత సంవత్సరం డిసెంబర్ లో అందరికీ తెలియజేసిన సంగతి తెలిసిందే. ఈ శుభవార్త ని ఈ సింగర్ సోషల్ మీడియా వేదికగా అప్పట్లో అందరితో పంచుకుంది. గీతా మాధురి ఈ గుడ్ న్యూస్ తెలపగానే సెలెబ్రిటీలు, ఆమె సన్నిహితులు కంగ్రాట్స్ చెబుతూ కామెంట్ల వర్షాన్ని కురిపించారు. కాగా గీతా మాధురి నందు జంట ఎప్పుడూ ఏదో ఒక వార్తతో నెట్టింట్లో వైరల్ అవుతుంటుంది. వారు షేర్ చేసే సోషల్ మీడియా ఫోటోల ద్వారా అయినా లేకపోతే వారి ఇంటర్వ్యూలు ద్వారా అయినా వీరిద్దరి జంట తరచుగా వార్తల్లో నిలుస్తూ వస్తూ ఉంటుంది.


COMMERCIAL BREAK
SCROLL TO CONTINUE READING

ఫిబ్రవరి 3న ప్రొడక్షన్ నెంబర్ 2 అంటూ క్యాప్షన్ పెట్టి తన శ్రీమంతం ఫోటోలు షేర్ చేసింది ఈ సింగర్.‌ ఇక ఆ తరువాత గీతామాధురి నుంచి ఎటువంటి పోస్ట్ రాకపోవడంతో అసలు ఏమయింది.. గీతా మాధురికి డెలివరీ అయ్యిందా లేదా.. ఒకవేళ అయ్యుంటే ఏ బిడ్డ పుట్టారు.. అని అభిమానులు తెగ రీసెర్చ్ చెయ్యడం మొదలుపెట్టారు.


2019లో గీతా మాధురి, నందు కి తమ మొదటి కూతురు దాక్షాయణి ప్రకృతి జన్మించింది. మళ్లీ దాదాపు నాలుగు సంవత్సరాల తరువాత రెండో సారి గీతా మాధురి గర్భం దాల్చింది. ప్రకృతి అక్క కాబోతోందంటూ గీతా మాధురి తన సోషల్ మీడియాలో డిసెంబర్ నెలలో ప్రకటించింది. అంటే తాను మళ్లీ తల్లిని కాబోతోన్నానని, ఫిబ్రవరిలో మళ్లీ పండంటి బిడ్డకు జన్మను ఇవ్వబోతోన్నానని.. కూడా గీతామాధురి తన అభిమానులతో పంచుకుంది. అందుకే ఫిబ్రవరి నెల రాగానే గీతామాధురి డెలివరీ గురించి ఆమె అభిమానులలో ఆసక్తి నెలకొంది. ఈ నేపథ్యంలో గీతామాధురి ఇన్ని రోజులకు తన అభిమానులతో మరో శుభవార్త పంచుకుంది.


తనకు ఫిబ్రవరి 10వ తేదీన పండంటి మగ బిడ్డ జన్మించారని.. ఇంకేమైనా అసత్యపు వార్తలు యూట్యూబ్ వీడియోలో వస్తే వాటిని నమ్మొద్దని ఒక స్టేటస్ షేర్ చేసింది. కాగా ఇలా గీతామాధురికి మగ బిడ్డ పుట్టారని అలానే తల్లి బిడ్డ ఇద్దరు క్షేమంగా ఉన్నారని తెలిసి ఆమె అభిమానులు ఆనందంగా ఫీల్ అవుతున్నారు.


కాగా కొద్ది రోజుల క్రితం గీతామాధురి, నందుకి మధ్య గ్యాప్ వచ్చిందని, విడాకులు తీసుకుంటున్నారని రకరకాల రూమర్లు వినిపించాయి. వాటిని నందు, గీతా మాధురి ఇద్దరూ కూడా సెటైరికల్‌గా చాలాసార్లు ఖండించారు. బిగ్ బాస్ అనంతరం ఈ గాసిప్స్ ఎక్కువగా వినిపిస్తూ ఉండేవి. బిగ్ బాస్ ఇంట్లో గీతా మాధురి ఉన్న టైంలో బయట నందు ఆమెకు ఫుల్ సపోర్ట్‌గా నిలిచిన సంగతి తెలిసిందే. రెండో సీజన్ రన్నర్‌గా గీతా మాధురి అందరినీ ఆకట్టుకుంది. అయితే ఆ తరువాత కూడా పలుమార్లు వీరిద్దరి విడాకుల గురించి వార్తలు రాసాగాయి. కానీ తాము ఎంతో ప్రేమగా ఉందే ఫోటోలు సోషల్ మీడియాలో తరచూ షేర్ చేస్తూ ఈ రూమర్స్ కి చెక్ పెడుతూ ఉంటారు ఈ జంట.


Also read: Allu Arjun: అల్లు అర్జున్‌కు మ‌రో అరుదైన గౌర‌వం.. భార‌త దేశం తరుపున ఐకాన్ స్టార్ ఒకే ఒక్క‌డు..


Also read: Sonia Assets: సోనియా గాంధీకి సొంత కారు లేదంట.. ఇక మిగతా ఆస్తిపాస్తుల లెక్కలు ఇవే..


 



స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.     


Android Link - https://play.google.com/store/apps/details?id=com.indiadotcom.zeetelugu     


Apple Link - https://apps.apple.com/in/app/zee-telugu-news/id1633190712


మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook