Prabhas Adipurush : మూడ్రోజుల ముందే రాబోతోన్న ఆదిపురుష్‌.. అంతర్జాతీయ వేదికపై ప్రభాస్ సందడి

Prabhas Om Raut Adipurush ప్రభాస్‌ ఆదిపురుష్ సినిమా మీదున్న హైప్ అందరికీ తెలిసిందే. అలానే ఆ సినిమా టీజర్ మీద వచ్చిన ట్రోల్స్ గురించి కూడా తెలిసిందే. సినిమా మీదున్న క్రేజ్ కాస్తా డల్ అయిపోయింది. నాసిరకమైన వీఎఫ్ఎక్స్, రాముడు, ఆంజనేయుడు, రావణుడ్ని చూపించిన తీరు కూడా అభ్యంతరకరంగా మారింది. దీంతో సినిమా టీం అంతా కూడా రిపేర్లు చేసేందుకు రెడీ అయింది. గత ఏడాది రావాల్సిన ఈ సినిమాను పలు మార్లు వాయిదాలు వేస్తూనే వస్తున్నారు.

జూన్ 16న రాబోతోన్నామని ఇప్పుడు ఓ డేట్‌ను  అయితే లాక్ చేసి పెట్టుకున్నారు. జూన్‌లో ఆదిపురుష్‌ సందడి చేయబోతోన్నాడని తెలిసిందే. అయితే ఈ సినిమాను ఓ మూడ్రోజుల ముందే అంతర్జాతీయ వేదికపై స్క్రీనింగ్ చేయబోతోన్నారని ప్రకటించారు. ట్రైబెకా ఫెస్టివల్‌లో ఈ సినిమాను స్పెషల్‌గా ప్రదర్శించబోతోన్నారట. జూన్ 13న ఈ సినిమాను అక్కడ స్క్రీనింగ్ చేయబోతోన్నామని ఓం రౌత్ ట్వీట్ వేశాడు.

ఇప్పుడు ఆదిపురుష్‌కు ఓం రౌత్ చేసిన రిపేర్లు జనాలను ఆకట్టుకుంటాయా? లేదా? అన్నది చూడాలి. అసలే వీఎఫ్‌ఎక్స్, ఆ విజువల్స్, ఆ గెటప్స్ అన్నీ కూడా ట్రోలింగ్‌కు గురవుతూనే ఉన్నాయి. రిపేర్లు చేయడానికే దాదాపు వంద కోట్లు అధనంగా ఖర్చు చేసినట్టుగా టాక్ వచ్చింది. మరి ఈ సారి వచ్చే అవుట్ పుట్ ఎలా ఉంటుందనేది చూడాలి.

ఆదిపురుష్‌ సినిమాను ప్రపంచ వ్యాప్తంగా 13 భాషల్లో విడుదల చేయబోతోన్న సంగతి తెలిసిందే. ఇప్పుడు మూడు రోజుల ముందే వేరే దేశంలో ఈ సినిమాను ప్రదర్శించబోతోన్నారు. ఇండియాలో అయితే అనుకున్న టైం అంటే.. జూన్ 16న విడుదల చేయబోతోన్నారు. ఆదిపురుష్ సినిమాలో రాముడిగా ప్రభాస్, సీతగా కృతి సనన్, రావణుడిగా సైఫ్ అలీ ఖాన్‌లు నటించిన సంగతి తెలిసిందే.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.