Chandramukhi 2 Trailer: `చంద్రముఖి 2` ట్రైలర్ వచ్చేసింది.. ఎలా ఉందంటే?

Chandramukhi 2 Trailer Out: 2005లో వచ్చిన 'చంద్రముఖి' సినిమా ఎంతపెద్ద హిట్ అయ్యిందో మనందరికీ తెలిసిందే. సూపర్ స్టార్ రజినీకాంత్, నయనతార, జ్యోతిక, ప్రభు లీడ్ రోల్స్ లో నటించిన ఈ సినిమా అప్పట్లో 25 కోట్లకుపైగా వసూళ్లను రాబట్టింది. ఈ సినిమాకు పి.వాసు దర్శకత్వం వహించారు. సుమారు  పద్దెనిమిదేళ్ల త‌ర్వాత చంద్రముఖి సినిమాకు సీక్వెల్ గా 'చంద్రముఖి 2'ను(Chandramukhi 2) తెరకెక్కిస్తున్నారు వాసు. రాఘవ లారెన్స్, కంగనా రనౌత్ ప్రధాన పాత్రల్లో నటిస్తున్న ఈ మూవీని లైకా ప్రొడ‌క్షన్స్ బ్యాన‌ర్‌పై సుభాస్కర‌న్‌ నిర్మిస్తున్నాడు. ఈ చిత్రంలో వడివేలు, లక్ష్మీమీనన్‌, మహిమా నంబియార్‌, రాధికా శరత్‌కుమార్‌, రావు రమేష్, విఘ్నేష్‌ తదితరులు కీ రోల్స్ చేస్తున్నారు. ఈ మూవీని పాన్‌ ఇండియా లెవ‌ల్లో వినాయ‌క చ‌వితి సంద‌ర్భంగా విడుద‌ల చేయ‌నున్నారు. 

ఇప్పటికే  రిలీజైన పోస్టర్స్, సాంగ్స్, టీజర్ మూవీపై హైప్ క్రియేట్ చేసాయి. తాజాగా చిత్రయూనిట్ చంద్రముఖి 2 ట్రైలర్(Chandramukhi 2 Trailer) ను విడుదల చేసింది. ”చంద్రముఖి సినిమా చివర్లో భవనం నుంచి బయటికి వెళ్లే పాముతోనే చంద్రముఖి-2 ట్రైలర్ ప్రారంభమైంది. రాధికా శరత్ కుమార్ కుటుంబం ఓ భవనంలోకి వెళ్లడం, దాంట్లో చంద్రముఖి ఆత్మ ఉందనే విషయాన్ని ట్రైలర్ లో చూపించారు. కంగనా రనౌత్ కనిపించేది కొద్ది సేపయినా ఆకట్టుకుంది. వెట్టయ్య రాజాగా రాఘవ లారెన్స్ కనిపించాడు. ''రాజాధిరాజా.. రాజా గంభీర.. రాజా మార్తాండ.. వెట్టయ్య రాజా వస్తున్నాడు'' అంటూ ట్రైల‌ర్‌లో బ్యాక్ గ్రౌండ్ స్కోర్ అల‌రిస్తుంది. ఇప్పటికే షూటింగ్‌ కంప్లీట్ చేసుకున్న ఈ సినిమా ప్రస్తుతం పోస్ట్ ప్రొడక్షన్ ప‌నులు పూర్తి చేసుకునే పనిలో ఉంది. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.