Ram Charan And Jr NTR at oscars 2023 గత రెండు మూడు వారాలుగా ఆస్కార్ ప్రమోషన్స్ కోసమని రామ్ చరణ్ లాస్ ఏంజిల్స్‌లో తిరుగుతూనే ఉన్నాడు. తారకరత్న మరణం వల్ల ఎన్టీఆర్ కాస్త ఆలస్యంగా లాస్ ఏంజిల్స్‌కు వెళ్లాడు. అయితే ఈ గ్యాప్‌లోనే మెగా, నందమూరి అభిమానుల మధ్య పచ్చ గడ్డి వేస్తే భగ్గుమనేలా వ్యవహారం రాజుకుంది. చివరకు ఎన్టీఆర్ సైతం రాజమౌళి, రామ్ చరణ్‌ పట్ల ఆగ్రహంగా ఉన్నాడనే టాక్ వచ్చింది.


COMMERCIAL BREAK
SCROLL TO CONTINUE READING

అయితే ఇప్పుడు అదే నిజమనిపిస్తోంది. ఎందుకంటే ఎన్టీఆర్ లాస్ ఏంజిల్స్‌కు వెళ్లిన తరువాత రామ్ చరణ్‌ని కలవనేలేదట. ఈ ఇద్దరూ వేర్వేరుగానే ఉన్నారట. ఇప్పుడు దీనికి సంబంధించిన ఓ వీడియో నెట్టింట్లో చక్కర్లు కొడుతోంది. ఇందులో వెరైటీ రిపోర్టర్‌ వేసిన ప్రశ్న, దానికి రామ్ చరణ్‌ చెప్పిన సమాధానం రెండూ వైరల్ అవుతున్నాయి.


 



ఇందులో ఆ రిపోర్టర్ ఎన్టీఆర్‌ను ఇంటర్వ్యూ చేస్తున్నట్టుగా ఉన్నాడు. మధ్యలో రామ్ చరణ్‌ వచ్చి.. ఎన్టీఆర్‌ను హత్తుకున్నాడు. డ్రెస్ అదిరిపోయిందంటూ పొగిడేశాడు రామ్ చరణ్‌. ఏంటి మీ ఇద్దరూ ఇదే మొదటి సారి కలుకుంటున్నారా? అని సదరు రిపోర్టర్ అడిగితే.. అవును ఈరోజే కలుసుకున్నామని చరణ్ చెప్పేస్తాడు. అంటే ఇన్ని రోజులు లాస్ ఏంజిల్స్‌లో ఈ ఇద్దరూ దూరంగా ఉన్నారని అర్థం అవుతోంది.


రాజమౌళి కావాలనే ఇలా దూరంగా పెట్టాడా? లేదా ఎన్టీఆర్ దూరంగా ఉన్నాడా? రామ్ చరణ్‌ దూరంగా ఉండాలని అనుకున్నాడా? అన్నది క్లారిటీగా తెలియడం లేదు. అయితే నాటు నాటు ఆస్కార్‌ గెలిచిన తరువాత రామ్ చరణ్‌, ఎన్టీఆర్ ఎమోషనల్‌ అయ్యారు.. ఇద్దరూ గట్టిగా హత్తుకున్నారు. వాటికి సంబంధించిన విజువల్స్ సైతం వైరల్ అయ్యాయి.


నాటు నాటు ఆస్కార్ గెలవడంపై ఎన్టీఆర్, రామ్ చరణ్‌ ఇద్దరూ కూడా సోషల్ మీడియా వేదికగా స్పందించారు. తాము సాధించామని ఎంతో గర్వంగా ఉందంటూ చెప్పుకొచ్చారు. ఆస్కార్ అవార్డ్ రావడంతో టాలీవుడ్ మొత్తం ఎంతో సంతోషంగా ఉంది. సినీ ప్రముఖులంతా కూడా నాటు నాటుకు, ఆర్ఆర్ఆర్ టీంకు కంగ్రాట్స్ చెబుతున్నారు.


Also Read:  Oscars 2023 Live Updates: ఆస్కార్ విజేతల జాబితా, ఎవరెవరికి ఏ అవార్డులు


Also Read: Oscars 2023: తెలుగోడి సత్తాచాటిన 'నాటు నాటు'. Naatu Naatu పాటను వరించిన ఆస్కార్ అవార్డు



స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  


ఆండ్రాయిడ్ లింక్ -  https://bit.ly/3P3R74U 


ఆపిల్ లింక్ -  https://apple.co/3loQYe 


మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter, Facebook