సినిమా అంతా బాలయ్య చుట్టే ఉంటుందని తెలుసు.. వీర సింహా రెడ్డిపై శ్రుతి హాసన్

Shruti Haasan in Veera Simha Reddy బాలయ్య వీర సింహా రెడ్డి, చిరంజీవి వాల్తేరు వీరయ్య సినిమాలో శ్రుతి హాసన్‌ హీరోయిన్. ఈ రెండు సినిమాలతో సంక్రాంతి మొత్తం శ్రుతి హాసన్‌దే అయినట్టు కనిపిస్తోంది. కాకపోతే వీర సింహా రెడ్డి సినిమాలో శ్రుతి హాసన్ పాత్రకు అంతగా ఇంపార్టెన్స్ లేదన్నట్టుగా కనిపిస్తోంది. వాల్తేరు వీరయ్య సినిమాలో శ్రుతి హాసన్‌కు అంతో ఇంతో ఇంపార్టెన్స్ ఉన్న పాత్ర దక్కినట్టు అయింది.

అయితే తనకు దక్కిన ఈ పాత్రల మీద శ్రుతి హాసన్ స్పందించింది. ఈ రెండు సినిమాకు నాకు డిఫరెంట్‌గా ప్రశంసలు వస్తున్నాయి. వీర సింహా రెడ్డి సినిమాలో నేను ఎక్కువగా కనిపిస్తాను అని జనాలు అనుకున్నారు. నాకు డైరెక్టర్ గోపీచంద్ చాలా ఏళ్ల నుంచి తెలుసు.. ఈ సినిమా మొత్తం కూడా బాలయ్య గారి చుట్టూ తిరుగుతుందని నాకు తెలుసు.. ఆయన అభిమానులు ఈ సినిమాను చూసి ఫుల్ ఖుషీ అవుతున్నారు.

అదే కోవలో చిరంజీవి సర్ అభిమానులు కూడా వాల్తేరు వీరయ్యను చూసి ఫుల్ ఖుషీ అవుతున్నారు. వారి వారి అభిమానులు, వారి వారి ఇమేజ్‌లకు తగ్గట్టుగా సినిమాలను తీశారు.. నేను ఈ మధ్య కాలంలో పెద్ద సినిమాల్లో ఎక్కువగా నటించలేదు. క్రాక్ సినిమాను 2019లో షూట్ చేశాం. కానీ కరోనా వల్ల 2021లో విడుదల చేశాం. తెలుగులోకి మళ్లీ వస్తున్నా కాబట్టి పెద్ద సినిమాలతోనే రావాలని అనుకున్నాను అంటూ శ్రుతి హాసన్ చెప్పుకొచ్చింది.

తనకు డ్యాన్స్ చేయడం ఎంత ఇష్టమో.. యాక్షన్ సినిమాలు చేయడం కూడా ఇష్టమే. పూర్తిగా యాక్షన్ ఓరియెటెండ్, లేడి ఓరియెంటెడ్ సినిమా చేయాలనే కోరిక ఉందంటూ శ్రుతి హాసన్ తన మనసులో మాటను బయటపెట్టేసింది. మొత్తానికి శ్రుతి హాసన్ మాత్రం ఈ సంక్రాంతిని బాగానే ఎంజాయ్ చేసింది. రెండు పెద్ద సినిమాలు ఇలా ఒకే సారి రావడం, రెండూ హిట్ అవ్వడంతో శ్రుతి ఫుల్ ఖుషీగా ఉన్నట్టు కనిపిస్తోంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.