Ambajipeta Marriage Band First  Week Collections:


COMMERCIAL BREAK
SCROLL TO CONTINUE READING

కలర్ ఫోటో సినిమాతో తెలుగు ప్రేక్షకులకు చేరువైన హీరో సుహాస్. అంతకుముందు కొన్ని సినిమాలలో అలానే కొన్ని వైవిధ్యమైన పాత్రలలో కనిపించిన కలర్ ఫోటో చిత్రం సుహాస్ కి మంచి పేరు తెచ్చి పెట్టింది. ఆ సినిమాతో హీరోగా మారిన ఈ నటుడు ఆ తరువాత హిట్ చిత్రంలో విలన్ గా కూడా కనిపించాడు. ఇక ఈ మధ్య వచ్చిన రైటర్ పద్మభూషణ్ సినిమాతో హీరోగా మరో  హిట్ కూడా అందుకున్నారు.


ఇలా వరుస విజయాలు సాధించిన సుహాస్ అంబాజీపేట మ్యారేజ్ బ్యాండ్ సినిమాతో మరోసారి  వైవిద్యమైన కథను ఎంచుకొని ప్రేక్షకుల ముందుకు వచ్చారు. ఈ సినిమా సైతం ఇప్పుడు ప్రేక్షకులను అలరిస్తు మంచి కలెక్షన్స్ సొంతం చేసుకుంటుంది. 


చిన్న సినిమాగా వచ్చి పెద్ద హిట్ వైపు అడుగులు వేస్తోంది ఈ చిత్రం. సుహాస్ నటన, శరణ్య పాత్ర, శేఖర్ చంద్ర సంగీతం, దుష్యంత్ డైరెక్షన్ ఇలా ప్రతీ ఒక్క అంశం ఈ సినిమాను హిట్టు చేసేశాయి. అలానే ఈ సినిమాతో హీరోగా సుహాస్ హ్యాట్రిక్ హిట్ సొంతం చేసుకున్నారు.


ఈ సినిమాకు శుక్రవారం, శనివారం కలెక్షన్స్ మొత్తం కలుపుకుంటే.. 5.16 కోట్ల గ్రాస్ వచ్చినట్టుగా తెలుస్తోంది. ఈ మేరకు నిర్మాతలు అధికారికంగా వసూళ్లకు సంబంధించిన పోస్టర్‌ను కూడా రిలీజ్ చేశారు. ఈ రెండు రోజుల్లోనే ఐదు కోట్లకు పైగా గ్రాస్ రాబట్టి ఈ వారం విజేతగా నిలిచేందుకు ముందుకు వరుసలో ఉంది. ఈవారం ఏకంగా 10 చిన్న సినిమాలు విడుదలయ్యాయి. అయితే ఈ పది సినిమాలలో ఈ సినిమాకి మినహా మరే సినిమాకి కూడా కనీసం మినిమం టాక్ కూడా రాలేదు. సుహాస్ సినిమాకు మాత్రం ప్రేక్షకులు మంచి పాజిటివ్ రెస్పాన్స్ ఇస్తున్నారు. మంచి కంటెంట్‌తో వస్తే సినిమాలు హిట్ అవుతాయని మరోసారి రుజువు చేసింది ఈ చిత్రం.


ధీరజ్ మొగిలినేని ఎంటర్టైన్మెంట్, జి ఎ 2 పిక్చర్స్, మహాయాన మోషన్ పిక్చర్స్ సంస్థల పై ధీరజ్ మొగిలినేని ఈ చిత్రాన్ని నిర్మించగా ‘బన్నీ వాస్’ ‘వెంకటేష్ మహా’ సమర్పకులుగా వ్యవహరించారు. దుష్యంత్ కటికనేని ఈ చిత్రానికి దర్శకుడు.


Also Read: Medaram Jathara 2024: భక్తులకు అలర్ట్‌.. మేడారం జాతరకు వెళ్తుంటే ఇవి మీ వెంట కచ్చితంగా ఉండాల్సిందే..!


Also Read: Lemon in Auction: వేలంలో రూ.1.5 లక్షలు పలికిన నిమ్మకాయ.. దాని స్పెషాలిటీ ఏంటో తెలుసా?


 



 


స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.     


Android Link - https://play.google.com/store/apps/details?id=com.indiadotcom.zeetelugu     


Apple Link - https://apps.apple.com/in/app/zee-telugu-news/id1633190712


మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook