వరుణ్ తేజ్ ( Varun Tej ) కోసం ఓ పోలీస్ లవ్ స్టోరీ సిద్ధమైంది. అదేంటి ? ఐతే పోలీస్ స్టోరీ కావాలి లేదా లవ్ స్టోరీ అయ్యుండాలి కానీ ఇలా పోలీస్ లవ్ స్టోరీ ఏంటా అనే కదా మీ సందేహం. మరేం లేదండి... ఈ సినిమాలో వరుణ్ తేజ్ పవర్‌ఫుల్ పోలీస్ ఆఫీసర్ గా కనిపించనుండటమే కాకుండా అంతే ఆసక్తికరమైన లవ్ స్టోరీని కూడా నడిపిస్తాడట. అందుకే ఈ సినిమాను పోలీస్ లవ్ స్టోరీ అని ప్రమోట్ చేసుకుంటోంది ఆ చిత్ర యూనిట్. అయ్యారే, అప్పట్లో ఒకడుండే వాడు వంటి చిత్రాలను డైరెక్ట్ చేసిన సాగర్ చంద్ర ( Director Sagar Chandra ) ఈ సినిమాను తెరకెక్కించనున్నాడు. వరుణ్ తేజ్ కోసమే ఈ కథ రాసుకున్న సాగర్ చంద్ర.. వరుణ్ గద్దలకొండ గణేష్ చిత్రం ( Gaddalakonda Ganesh ) చేయడానికంటే ముందుగానే కథను చెప్పాడట. కానీ అప్పట్లో ఎందుకో సెట్స్‌పైకి వెళ్లని ఈ సినిమాను వచ్చే ఏడాది పట్టాలెక్కిచ్చేందుకు ఏర్పాట్లు చేసుకుంటున్నట్టు తెలుస్తోంది. Also read : OTTలో ఒక్క ఎపిసోడ్‌కి 2 లక్షలు కోట్ చేస్తున్న హీరోయిన్


ఫిదా, తొలి ప్రేమ, F2 వంటి హిట్ చిత్రాలతో హీరోగా నిలదొక్కుకున్న వరుణ్ తేజ్ ప్రస్తుతం బాక్సర్ పాత్రలో ( Boxer role ) క్రీడా నేపథ్యం ఉన్న సినిమా చేస్తున్నాడు. ఈ సినిమాతో కిరణ్ కొర్రపాటి ( Kiran Korrapati ) అనే కొత్త దర్శకుడు ఇండస్ట్రీకి పరిచయం అవుతున్నాడు. అల్లు వెంకటేష్, సిద్ధు ముద్ద ఈ చిత్రాన్ని నిర్మిస్తున్న ఈ సినిమాలో వరుణ్ తేజ్ సరసన బాలీవుడ్ బ్యూటీ సాయి మంజ్రేకర్ ( Actress Saiee Manjrekar ) జంటగా నటిస్తోంది. Also read : Bigg Boss Telugu 4: బిగ్ బాస్ 4 షో లాంచింగ్ డేట్ వచ్చేసింది