Bichagadu 2 Trailer : దుమ్ములేపేసిన బిచ్చగాడు 2 ట్రైలర్.. హిట్టు కొటేసేలా విజయ్ ఆంటోని

Vijay Antony Bichagadu 2 Trailer విజయ్ ఆంటోని సినిమాలు ఎప్పుడూ కూడా ప్రయోగాత్మకంగా ఉంటాయి. విజయ్ ఆంటోని బిచ్చగాడు సినిమాతో ఒక్కసారిగా తెలుగులో క్రేజ్ దక్కించుకున్నాడు. ఓవర్‌ నైట్‌లో స్టార్ అయ్యాడు. ఈ డబ్బింగ్ సినిమా తెలుగులో వంద రోజులకు పైగా ఆడి అందరినీ ఆశ్చర్యపరిచింది. అయితే ఈ బిచ్చగాడు సినిమాతో కోలీవుడ్, టాలీవుడ్‌లో విజయ్ ఆంటోని సెన్సేషన్‌గా మారిపోయాడు. బిచ్చగాడు తరువాత మధ్యలో చాలా సినిమాలు వచ్చాయి. కానీ ఏ ఒక్కటి కూడా క్లిక్ అవ్వలేదు.

అయితే ఇప్పుడు బిచ్చగాడు పార్ట్ 2కి సంబంధించిన ట్రైలర్‌ను విడుదల చేశారు. ఈ ట్రైలర్ ఇప్పుడు సోషల్ మీడియాలో హాట్ టాపిక్ అవుతోంది. అయితే ఇందులో కొన్ని షాట్స్ చూస్తుంటే కేజీయఫ్ సినిమాలోని షాట్స్‌ను పెట్టినట్టుగా అనిపిస్తోంది. చూస్తుంటే ఈ సినిమాను కూడా పాన్ ఇండియన్ రేంజ్లో రిలీజ్ చేయబోతోన్నట్టుగా తెలుస్తోంది. ఈ ట్రైలర్ చూస్తుంటే మాత్రం కథను ఏ మాత్రం కూడా అంచనా వేయలేమన్నట్టుగా ఉంది.

ఈ రెండో పార్ట్‌లో కాన్సెప్ట్ ఎలా ఉంటుంది.. విజయ్ డబుల్ యాక్షన్‌లో నటిస్తున్నాడా? అసలు హీరోయిన్‌కు ఎలాంటి ఇంపార్టెన్స్ లేదా? విలన్ ఎవరు? అన్నట్టుగా ఈ ట్రైలర్‌ అందరినీలోనూ ఆసక్తిని రేకెత్తించేస్తోంది. ఇక ఈ సినిమా కోసం విజయ్ ఎంతలా కష్టపడ్డాడో అందరికీ తెలిసిందే.

బిచ్చగాడు సీక్వెల్ సినిమా షూటింగ్ సమయంలో విజయ్ ఆంటోని తీవ్రంగా గాయపడ్డ సంగతి తెలిసిందే. సెట్‌లో జరిగిన ఈ ప్రమాదంలో భుజం, మొహం, ముక్కు భాగాలకు తీవ్రంగా గాయాలవ్వడం, కొన్ని రోజుల పాటు హాస్పిటల్ బెడ్డు మీదే కదలకుండా ఉండటం గురించి అందరికీ తెలిసిందే. ఇక హాస్పిటల్ నుంచి డిశ్చార్జ్ అవ్వడం, కోలువకోవడంతో విజయ్ ఎమోషనల్ పోస్ట్ వేసి తన అభిమానుల ప్రేమకు మురిసిపోయాడు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.