Toofan Trailer: ఘనంగా విజయ్ ఆంటోనీ ‘తుఫాన్’ ట్రైలర్ ఇంట్రడక్షన్ ఈవెంట్.. ఈ నెల 26న విడుదల..

Toofan: హీరో విజయ్ ఆంటోనీ యాక్ట్ చేసిన  లేటెస్ట్ మూవీ "తుఫాన్". ఈ సినిమాను ఇన్ఫినిటీ ఫిల్మ్ వెంచర్స్ బ్యానర్ పై కమల్ బోరా, డి.లలితా, బి. ప్రదీప్, పంకజ్ బోరా జాయింట్ వెంచర్ గా తెరకెక్కిస్తున్నారు.  ఈ బ్యానర్ లో గతంలో విజయ్ ఆంటోనీ హీరోగా రాఘవన్, హత్య సినిమాలు వచ్చాయి. తాజాగా ఈ సంస్థ నుంచి ‘తుఫాను’ సినిమా రాబోతుంది.  పూర్తి పోయేటిక్ యాక్షన్ జానర్ లో ఈ సినిమా రాబోతుంది.  విజయ్ మిల్టన్ ఈ సినిమాను ఎక్కడ కాంప్రమైజ్ కాకుండా నిర్మించారు. అంతేకాదు ఈ చిత్రాన్ని ఈ నెల 26వ తేదీన విడుదల చేస్తున్నట్టు ప్రకటించారు. ఇటీవల విడుదల చేసిన "తుఫాన్" ట్రైలర్ కు మంచి రెస్పాన్స్ వచ్చింది.  హ్యూజ్ రెస్పాన్స్ వచ్చిన నేపథ్యంలో ఈ సినిమా ట్రైలర్ ఇంట్రడక్షన్ ఈవెంట్ ను నిర్వహించారు.

ఈ సందర్భంగా నిర్మాత ధనుంజయన్ మాట్లాడుతూ - "తుఫాన్" సినిమా టీజర్, ట్రైలర్ మీరంతా చూశారు. మీ అందరికీ నచ్చిందని అనుకుంటాను. ట్రైలర్ ఇంట్రడక్షన్ ఈవెంట్ ను ఇలా మీ అందరి మధ్యలో గ్రాండ్ గా నిర్వహించడం ఆనందంగా ఉందన్నారు.  జూలై 26న ఈ సినిమా ప్రేక్షకుల ముందుకు రాబోతుంది. ఈ సినిమా ఆడియన్స్ ను మెప్పిస్తుందనే నమ్మకం ఉందన్నారు.

డైరెక్టర్ విజయ్ మిల్టన్ మాట్లాడుతూ - "తుఫాన్"  సినిమా ట్రైలర్ ఇంట్రడక్షన్ ఈవెంట్ ఇంత గొప్పగా సెలబ్రేట్ చేసుకోవడం ఆనందంగా ఉందన్నారు. నాకు ఈ మూవీ చేసే అవకాశం ఇచ్చిన హీరోకు, నిర్మాతలకు ప్రత్యేక ధన్యవాదాలు.  భాష్యశ్రీ "తుఫాన్"  అందించిన సంభాషణలు చూస్తుంటే..స్ట్రైయిట్ తెలుగు సినిమా అనేంత బాగా రచన చేశారని కొనియాడారు.

హీరోయిన్ మేఘా ఆకాష్ మాట్లాడుతూ - మా "తుఫాన్"  మూవీ టీమ్ మీద  ప్రేక్షకులు చూపిస్తున్న అభిమానానికి ధన్యవాదాలు తెలిపారు.  

హీరో విజయ్ ఆంటోనీ మాట్లాడుతూ..
తెలుగులో మీరు చూపిస్తున్న అభిమానానికి ఎంత రుణం ఇచ్చిన తీర్చుకోలేనిది. మీతో కలిసి సినిమా చూడాలని అనుకుంటున్నాను. ఈ సినిమా ఇచ్చిన దర్శకుడు విజయ్ మిల్టన్ తో పాటు నిర్మాతలకు ప్రత్యేక కృతజ్ఞతలు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.