Samantha Birthday: కశ్మీర్​లో సామ్ పుట్టినరోజు వేడుకలు.. సమంత, విజయ్ వీడియో వైరల్!

Samantha Birthday-Vijay devarakonda : నేడు స్టార్  హీరోయిన్​ సమంత పుట్టినరోజు (Samantha Birthday). ఈ నేపథ్యంలో రౌడీ హీరో విజయ్ దేవరకొండ (Vijay devarakonda) ట్విట్టర్ ద్వారా సామ్ కు బర్త్ డే విషెస్ చెప్పారు. అంతేకాకుండా ఓ వీడియోను కూడా రిలీజ్ చేశారు. ఈ వీడియో చిత్రీకరణ కశ్మీర్ లో జరిగినట్లు తెలుస్తోంది. ఇప్పటికే పలువురు టాలీవుడ్‌ ప్రముఖులు సమంతకు పుట్టినరోజు శుభాకాంక్షలు చెప్పారు. వీరిలో సాయి ధరమ్ తేజ్, నందినిరెడ్డి, రకుల్‌ప్రీత్‌ సింగ్‌, కాజల్‌, కీర్తిసురేశ్‌, హన్సిక, రష్మిక, త్రిష, కంగనా రనౌత్‌, వరుణ్‌ ధావన్‌, వెన్నెల కిషోర్‌, ఉపాసనతోపాటు పలువురు డైరెక్టర్లు, చిత్ర నిర్మాతలు ఉన్నారు. 

మ‌జిలీ ఫేమ్ శివ‌నిర్వాణ ద‌ర్శ‌క‌త్వంలో విజ‌య్ దేవ‌ర‌కొండ‌, స‌మంత జంట‌గా ఓ చిత్రం తెరకెక్కుతున్న సంగతి తెలిసిందే. ఇది క‌శ్మీర్ బ్యాక్‌డ్రాప్‌ లవ్ స్టోరీగా రూపొందుతుంది. ఈ సినిమాను మైత్రీ మూవీ మేక‌ర్స్ సంస్థ నిర్మిస్తోంది. గతంలో విజయ్, సామ్... సావిత్రి జీవితం ఆధారంగా తెరకెక్కిన మహానటి చిత్రంలో నటించారు. దాదాపు నాలుగేళ్ల తర్వాత వీరిద్ధరూ కలిసి నటిస్తున్నారు. ఈ నెల‌లోనే క‌శ్మీర్ లో రెగ్యుల‌ర్ షూటింగ్ ప్రారంభించ‌నున్నారు. హీరోగా విజ‌య్ దేవ‌ర‌కొండకు ఇది 11వ చిత్రం. డియ‌ర్ కామ్రేడ్ త‌ర్వాత మ‌రోసారి మైత్రీ మూవీ మేక‌ర్స్ తో రౌడీ హీరో పనిచేస్తున్నాడు. ఈ చిత్రానికి మళయాల ఫేమ్ హిషామ్ అబ్దుల్ వ‌హాబ్ సంగీతం అందిస్తున్నారు. ఇందులో జ‌య‌రామ్, స‌చిన్ ఖేడ్క‌ర్ కీలకపాత్రల్లో నటిస్తున్నారు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.

Android Link - https://bit.ly/3hDyh4G

Apple Link - https://apple.co/3loQYe