Virupaksha Team: సినిమా హిట్టైంది అనుకునేలోపే దర్శకనిర్మాతలకు బిగ్ షాక్..థియేటర్కి వెళ్తే దెబ్బేశారు!

Virupaksha Director Karthik Varma Phone Theft: సాయిధరమ్ తేజ్ హీరోగా సంయుక్త మీనన్ హీరోయిన్గా విరూపాక్ష అనే సినిమా రూపొందిన సంగతి తెలిసిందే. సుకుమార్ శిష్యుడు కార్తీక్ వర్మ దండు డైరెక్షన్లో రూపొందిన ఈ సినిమా ఈ శుక్రవారం నాడు అంటే ఏప్రిల్ 21వ తేదీన ప్రేక్షకుల ముందుకు వచ్చి మొదటి ఆట నుంచి మంచి పాజిటివ్ టాక్ దక్కించుకుంటుంది. హారర్ థ్రిల్లర్ జోనర్ లో తెరకెక్కిన ఈ సినిమాకి ప్రేక్షకులు బ్రహ్మరథం పడుతున్నారు.

సుకుమార్ ఈ సినిమాకి స్క్రీన్ ప్లే అందించడంతోపాటు టీజర్, ట్రైలర్ సినిమా మీద ఆసక్తి పెంచడంతో ప్రేక్షకులు ఈ సినిమా చూసేందుకు మరింత ఆసక్తి చూపిస్తున్న పరిస్థితి కనిపిస్తోంది. ఈ సినిమాని భోగవల్లి ప్రసాద్ తన శ్రీ వెంకటేశ్వర సినీ చిత్ర బ్యానర్ మీద నిర్మించారు. భోగవల్లి బాపినీడు ఈ సినిమాని సమర్పించారు. ఇక మొదటి రోజు తమ సినిమాని ప్రేక్షకులు ఎలా ఆదరిస్తున్నారు అనే విషయాన్ని తెలుసుకునేందుకు దర్శక నిర్మాతలు ఆసక్తి చూపిస్తారనే సంగతి తెలిసిందే.

ఈ నేపథ్యంలోనే నిన్న ఈ సినిమా నిర్మాత భోగవల్లి ప్రసాద్ అలాగే ఈ సినిమా దర్శకుడు కార్తీక్ వర్మ దండు హైదరాబాద్లోని ఐమాక్స్ థియేటర్ సహా సంధ్య, శ్రీరాములు థియేటర్లకు వెళ్లి అక్కడి రెస్పాన్స్ తెలుసుకునే ప్రయత్నం చేశారు. అయితే అక్కడి థియేటర్ రెస్పాన్స్ చూద్దామని సరదా పడి వెళితే కార్తీక్ వర్మ దండు ఫోన్ చోరీకి గురైందని తెలుస్తోంది.

అదే సమయంలో నిర్మాత భోగవల్లి ప్రసాద్ పర్సు కూడా కొట్టేసారని అభిమానుల ముసుగులో ఉన్న కొంతమంది దొంగలు ఈ చర్యలకు పాల్పడి ఉంటారని అంటున్నారు. అయితే వీరంతా ఒకచోట నుంచి ఒకచోటకి ప్రయాణిస్తూ ఉండడంతో ఎక్కడ ఇవి మిస్ అయ్యాయి అనే విషయం మీద మాత్రం అధికారికంగా క్లారిటీ లేదు. పోలీస్ కంప్లైంట్ ల వరకు వెళ్లకూడదని దర్శక నిర్మాతలు భావించినట్లుగా తెలుస్తోంది ఒకవేళ పోలీసులకు కంప్లైంట్ ఇస్తే ఆ విషయం అధికారికంగా తెలిసే అవకాశం కనిపిస్తోంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.