KGF Chapter 2 OTT Release Date: అభిమానులకు గుడ్ న్యూస్.. `కేజీయఫ్ 2` ఓటీటీ రిలీజ్ డేట్ వచ్చేసింది!

Yash, Srinidhi Shetty starrer KGF Chapter 2 Movie OTT release date is out: డైరెక్టర్ ప్రశాంత్ నీల్, కన్నడ స్టార్ హీరో యష్ కాంబోలో తెరకెక్కిన పాన్‌ ఇండియా చిత్రం 'కేజీయఫ్‌ ఛాప్టర్‌ 2' గురువారం (ఏప్రిల్ 14) బాక్సాఫీసు ముందుకొచ్చి హిట్‌ టాక్ సొంతం చేసుకుంది. కేజీయఫ్ పార్ట్ 2ను చూసేందుకు దేశ వ్యాప్తంగా అభిమానులు థియేటర్లకు పరుగులు పెడుతున్నారు. దాంతో కేజీయఫ్‌ తొలిరోజు బాక్సాఫీసు రికార్డు దిశగా దోసుకెళుతోంది. అయితే కేజీయఫ్‌ ఛాప్టర్‌ 2 సినిమా రిలీజ్ రోజే ఓటీటీ రిలీజ్ డేట్ కూడా వచ్చింది. 

కేజీయఫ్‌ ఛాప్టర్‌ 2 చిత్రం థియేట్రికల్ రన్ అయిన నాలుగు వారాల తర్వాత ఓటీటీలో విడుదల అవుతుందని సమాచారం తెలుస్తోంది. మే 13 ఉదయం 12 గంటల నుంచి ప్రముఖ ఓటీటీ సంస్థ అమెజాన్ ప్రైమ్ వీడియోలో స్ట్రీమింగ్ కానుందట. కేజీయఫ్‌ 2 సినిమా మరో నెల రోజుల్లో ఓటీటీలో సందడి చేయనుంది. అయితే ఈ విషయంపై అధికారిక ప్రకటన రావాల్సి ఉంది. విషయం తెలుసుకున్న ఫాన్స్ ఆనందం వ్యక్తం చేస్తున్నారు. 

కేజీయఫ్‌ ఛాప్టర్‌ 2 సినిమా శాటిలైట్ హక్కులను ప్రముఖ మీడియా సంస్థ 'జీ' (ZEE) సొంతం చేసుకున్న విషయం తెలిసిందే. కేజీయఫ్‌ చిత్రం జీ తమిళం, జీ తెలుగు, జీ కన్నడ మరియు జీ కేరళలో ప్రసారం కానుంది. 350 కోట్ల భారీ బడ్జెట్‌తో తెరకెక్కిన ఈ సినిమా కన్నడ, హిందీ, తమిళం, తెలుగు, మలయాళ భాషల్లో ఈరోజు విడుదలైంది. 2018లో వచ్చిన కేజీయఫ్‌ ఛాప్టర్‌ 1కు కొనసాగింపుగా ఛాప్టర్‌ 2 వచ్చిన విషయం తెలిసిందే. 

స్టార్‌ హీరో యశ్‌ హీరోగా ప్రశాంత్‌ నీల్‌ దర్శకత్వం వహించిన ఈ చిత్రాన్ని హోంబలే ఫిల్మ్స్‌ పతాకంపై విజయ్ కిరగందూర్ నిర్మించారు. యష్ సరసన శ్రీనిధి శెట్టి కథానాయికగా నటించింది. ఈ సినిమాలో బాలీవుడ్‌ నటులు సంజయ్‌ దత్‌, రవీనా టాండన్, ప్రకాశ్‌రాజ్‌, రావు రమేశ్‌ తదితరులు కీలక పాత్రలు పోషించారు. రవి బస్రూర్‌ స్వరాలు సమకూర్చారు. నాయకానాయికల ప్రేమ నేపథ్యంలో రూపొందిన మెహబాబా అంటూ సాగే పాట ప్రేక్షకులను బాగా ఆతట్టుకుంటోంది. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.

Android Link - https://bit.ly/3hDyh4G

Apple Link - https://apple.co/3loQYe