మణిరత్నం `నవాబ్` ఫస్ట్ లుక్ విడుదల

ప్రముఖ దర్శకుడు మణిరత్నం మల్టీస్టారర్ చిత్రం 'నవాబ్ (చెక్క చివంద వానమ్‌)' తెరకెక్కిస్తున్న సంగతి తెలిసిందే. అరవింద స్వామి, అరుణ్ విజయ్, శింబు, విజయ్‌ సేతుపతి, జ్యోతిక, అదితీరావ్‌ హైదరీ తదితరులు ఈ చిత్రంలో నటిస్తున్నారు. పారిశ్రామిక విప్లవం నేపథ్యంలో ఈ సినిమాను తెరకెక్కిస్తున్నారని సమాచారం. ఈ చిత్రంలో అరవింద్‌,అరుణ్, విజయ్‌, శింబులు అన్నదమ్ములుగా నటిస్తున్నారని, వీరి మధ్య చోటుచేసుకుకొనే సంఘర్షణలే సినిమాకు కీలకమని తెలుస్తోంది.

సోమవారం నుంచి సినిమాలోని లీడ్‌ క్యారెక్టర్స్‌కు సంబంధించిన లుక్స్‌ను రివీల్‌ చేయనున్నట్లు మూవీ యూనిట్ ప్రకటించారు. అందులో భాగంగానే సోమవారం సాయంత్రం 'నవాబ్' లో అరవింద్ స్వామి ఫస్ట్ లుక్‌ను విడుదల చేసింది మూవీ యూనిట్.

మణిరత్నం సొంత నిర్మాణ సంస్థ మద్రాస్ టాకిస్‌, లైకా ప్రొడక్షన్స్‌‌తో కలిసి ఈ సినిమా నిర్మిస్తున్నారు. సంగీతం: ఏ ఆర్ రెహ‌మాన్, సినిమాటోగ్రాఫ‌ర్‌: సంతోష్ శివ‌న్. ఈ నెలలోనే టీజర్‌ను.. వచ్చే నెల ఆరంభంలో ట్రైలర్‌ను.. సెప్టెంబర్‌ 28న ప్రపంచవ్యాప్తంగా సినిమాను విడుద‌ల చేయాలని మూవీ యూనిట్ భావిస్తుంద‌ట‌.