స్వర్గీయ శ్రీ నందమూరి తారక రామారావు యదార్థగాథ ఆధారంగా తెరకెక్కిన ఎన్.టి.ఆర్ బయోపిక్ మూవీపై ఇప్పటికే తెలుగు ఆడియెన్స్‌లో భారీ అంచనాలే నెలకొని వున్నాయి. తెలుగు జాతీ కీర్తిని ప్రపంచానికి చాటిచెప్పిన మహానుభావుడి రియల్ స్టోరీ కావడంతో ప్రస్తుతం అందరిచూపు ఎన్.టి.ఆర్ బయోపిక్‌పైనే వున్నాయి. ఎన్.టి.ఆర్ వారసుడు, ప్రముఖ నటుడు నందమూరి బాలకృష్ణ టైటిల్ పాత్రలో నటించి, తొలిసారి నిర్మాతగా మారి నిర్మించిన సినిమా ఇది. క్రిష్ డైరెక్ట్ చేసిన ఈ సినిమా కథా నాయకుడు, మహానాయకుడు అని రెండు వేర్వేరు భాగాలుగా ఆడియెన్స్ ముందుకు రానుంది. విడుదల తేదీ సమీపిస్తున్న తరుణంలో ఈ సినిమా ప్రమోషన్స్‌ను వేగవంతం చేసిన యూనిట్.. తాజాగా బాలయ్య బాబును రానా దగ్గుబాటి ఇంటర్వ్యూ చేసిన ఓ వీడియోను విడుదల చేసింది. ఈ సినిమాలో ఓ కీలక పాత్ర పోషించిన రానా దగ్గుబాటి అడిగిన ప్రశ్నలకు సమాధానం ఇచ్చిన బాలయ్య బాబు.. అసలు ఎన్.టి.ఆర్ బయోపిక్ తెరకెక్కించాలనే ఆలోచన ఎక్కడ, ఎలా మొగ్గ తొడిగిందో వివరించారు. మరి ఇంకెందుకు ఆలస్యం.. బాలకృష్ణ ఏం చెప్పారో ఆయన మాటల్లోనే చూసేద్దాం..