PM Awas Yojana: ప్రధానమంత్రి ఆవాస్ యోజన మరో రెండేళ్లు పొడిగింపు

PM Awas Yojana: ప్రదానమంత్రి ఆవాస్ యోజనకు సంబంధించి కీలకమైన ప్రకటన వెలువడింది. పీఎం ఆవాస్ యోజన అప్‌డేట్ ద్వారా చాలామందికి ప్రయోజనం చేకూరనుంది. 

ప్రధానమంత్రి ఆవాస్ యోజన లబ్దిదారులకు గుడ్‌న్యూస్. ప్రభుత్వం ఈ పధకానికి సంబంధించి కీలకమైన ప్రకటన చేసింది. ప్రధానమంత్రి ఆవాస్ యోజన పథకాన్ని 2024 వరకూ కొనసాగించేందుకు కేంద్ర ప్రభుత్వం అనుమతించింది. ఆ పధకం గురించిన వివరాలు మీ కోసం..

పీఎం ఆవాస్ యోజన పథకం కింద 2.95 కోట్ల పక్కా ఇళ్లు కేటాయించాలనేది ప్రభుత్వ లక్ష్యం. ఇప్పటివరకూ దాదాపు 2 కోట్ల పక్కా ఇళ్లు పూర్తయ్యాయి. కానీ పక్కా ఇళ్లకు అర్హులైన లబ్దిదారులు ఇంకా పెద్ద సంఖ్యలో మిగిలున్నందున..ప్రధానమంత్రి ఆవాస్ యోజనను 2024 వరకూ కొనసాగించాలని ప్రభుత్వం నిర్ణయించింది. ప్రభుత్వం తీసుకున్న ఈ నిర్ణయం వల్ల లక్షలాదిమంది గ్రామీణులకు ఉపయోగం కలగనుంది. 

ప్రభుత్వం అందించిన వివరాల ప్రకారం ఈ పథకంలో కేంద్ర ప్రభుత్వం మొత్తం 1,43,782 కోట్ల రూపాయలుంటుంది. ఇందులో నాబార్డ్ రుణం వడ్డీ చెల్లింపుల నిమిత్తం 18,676 కోట్ల రూపాయలు కేటాయిస్తారు. వాస్తవానికి ప్రభుత్వం ఈ పధకం ద్వారా కొండ ప్రాంతాల్లో 90 శాతం, 10 శాతం ఆధారంగా చెల్లింపులు చేస్తుంది. మిగిలింది కేంద్ర రాష్ట్ర ప్రభుత్వాలు 60, 40 శాతం నిష్పత్తిలో భరిస్తారు. కేంద్రపాలిత ప్రాంతాల్లో అయితే 100 శాతం కేంద్రమే భరిస్తుంది. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.