రజినీకాంత్ డిస్కవరీ షో ప్రోమో ఇదిగో..!!

సూపర్ స్టార్ రజినీకాంత్. . తొలిసారిగా టీవీ తెరపై కనిపించనున్న క్షణం రానే వచ్చేసింది.  డిస్కవరీ ఛానెల్‌లోని మ్యాన్ వర్సెస్ వైల్డ్ షో లో కనిపించబోతున్నారు. ఇటీవలే ఈ ఎపిసోడ్ షూటింగ్ పూర్తి చేసుకుంది. 

డిస్కవరీ ఛానెల్‌లో మ్యాన్ వర్సెస్ వైల్డ్ ప్రోగ్రామ్ చేస్తున్న బేయర్ గ్రిల్స్... గతంలో ప్రధాని నరేంద్ర మోదీతో ఓ ఎపిసోడ్ చేశారు. ఇప్పుడు సూపర్ స్టార్ రజినీకాంత్‌తో ఎపిసోడ్ నిర్వహించారు. ఈ ఎపిసోడ్‌ను కర్ణాటకలోని బందీపూర్ టైగర్ రిజర్వ్ అడవుల్లో చిత్రీకరించారు. జనవరిలో షూటింగ్ జరిగింది. ప్రపంచవ్యాప్తంగా సూపర్ స్టార్ ఫ్యాన్స్ ఈ ఎపిసోడ్ ప్రసారం కోసం ఎదురు చూస్తున్నారు. ఐతే ఆ క్షణం రానే వచ్చింది. ఈ ఎపిసోడ్‌ను మార్చి 23న రాత్రి 8 గంటలకు ప్రసారం చేస్తున్నామని డిస్కవరీ ఛానెల్ ప్రకటించింది. దీనికి సంబంధించిన ప్రోమోను ట్వీట్ చేసింది. బేయర్ గ్రిల్స్, సూపర్ స్టార్ రజినీకాంత్ సాహసాలు చూడండి అంటూ ట్విట్టర్‌లో రాసుకొచ్చింది.

మరోవైపు సూపర్ స్టార్ రజినీకాంత్ ఎపిసోడ్ మోషన్ పోస్టర్‌ను బేయర్ గ్రిల్స్ ట్విట్టర్‌లో పోస్టు చేశారు. తాను ప్రపంచవ్యాప్తంగా ఎంతో మంది స్టార్స్‌తో పని చేశానని.. కానీ ఈ ఎపిసోడ్ చాలా ముఖ్యమని బేయర్ గ్రిల్స్ ట్వీట్ చేశారు. లవ్ ఇండియా  అంటూ రాశారు. సూపర్ స్టార్‌ను అడవుల్లో చూడడం ఆనందంగా ఉందని తెలిపారు.