ఆసక్తిరేపుతున్న సర్కార్ తెలుగు టీజర్: నేనో కార్పొరేట్ క్రిమినల్ అంటున్న సర్కార్

ప్రముఖ తమిళ సినీ హీరో ఇళయ దళపతి విజయ్‌ అప్‌కమింగ్ సినిమా సర్కార్ తెలుగు టీజర్ విడుదలైంది. ప్రముఖ దర్శకుడు ఏఆర్‌ మురుగదాస్‌ దర్శకత్వంలో రాబోతున్న సినిమా కావడంతో తెలుగునాట మురుగకు భారీ ఫ్యాన్ ఫాలోయింగ్ ఉండటంతో ఆ సినిమాను నిర్మాతలు తెలుగులో కూడా రిలీజ్‌ చేస్తున్నారు. అభిమానులకు దీపావళి కానుకగా నవంబర్ 6న విడుదల కానున్న ఈ సినిమాను అశోక్‌ వల్లభనేని తెలుగు ఆడియెన్స్ ముందుకు తీసుకొస్తున్నారు. విజయ్, కీర్తి సురేశ్‌ జంటగా నటించిన ఈ సినిమాకు ఏ.ఆర్‌ రెహమాన్‌ మ్యూజిక్ కంపోజ్ చేశాడు. ఇటీవలే రిలీజైన సర్కార్ సినిమా తమిళ టీజర్‌‌కు భారీ సంఖ్యలో వ్యూస్‌తో దూసుకుపోతుండగా తాజాగా ఇవాళ సాయంత్రం తెలుగు టీజర్ విడుదలైంది. 

రాజకీయాల నేపథ్యంతో తెరకెక్కిన సర్కార్ సినిమాలో విజయ్ ఓ కార్పొరేట్‌ క్రిమినల్‌ పాత్రలో కనిపించనున్నాడని టీజర్‌లో అతడు చెప్పిన డైలాగ్ స్పష్టంచేస్తోంది.