శ్రీదేవి కేసు దర్యాప్తు దుబాయ్ పబ్లిక్ ప్రాసెక్యూషన్‌కు బదిలీ

శ్రీదేవి డెత్ సరిఫికెట్ లో ఆమె ప్రమాదవశాత్తు బాత్ రూంలో పడి చనిపోయిందని పేర్కొంది. అయితే ఇప్పటి వరకు ఆమె గుండెపోటుతో మరణించిందని భావించారు..అయితే తాజా నివేదికతో శ్రీదేవి మరణంపై కొత్త ప్రశ్నలు తెరపైకి వచ్చాయి. డెత్ రిపోర్టుతో ఈ కేసును మరిన్ని కోణాల్లో దర్యాప్తు చేయాలని నిర్ణయించారు. 

శ్రీదేవి గుండెపోటుతో మరిణించిందని ఎందుకు చెప్పినట్లు..?  ఆమె బాత్ రూం వాష్ టబ్ లో ప్రమాదవశాత్తు పడిపోయిందా..? లేదంటే ఎవరైనా తోశారా ? లేదంటే మద్యం మత్తులో జరిగిందా అనే ప్రశ్నలు ఇక్కడ ఉత్పన్నమౌతున్నాయి. 

ఇలా శ్రీదేవి మృతిపై ఎన్నో అనుమానాలు ఉన్న నేపథ్యంలో యూఏఈ ప్రభుత్వం ఈ కేసును దర్యాప్తు చేసేందుకు దూబాయ్ పబ్లిక్ ప్రాసెక్యూషన్‌కు బదిలీ చేసింది. ఇలా అనేక అనుమానాలు నెలకొన్న నేపథ్యంలో   శ్రీదేవి భౌతికకాయం అప్పగింతలో మరింత జాప్యం జరిగినట్లు తెలిసింది.