New coronavirus strain: భారత్‌లో పెరుగుతున్న కొత్త వైరస్ కేసులు

New coronavirus strain: బ్రిటన్ కరోనా స్ట్రెయిన్ భారత్‌లో కలకలం రేపుతోంది. కరోనా కొత్త వైరస్ కేసులు క్రమంగా పెరుగుతుండటం ఆందోళన కల్గిస్తోంది. ప్రస్తుతం ఇండియాలో కొత్త కరోనా వైరస్ కేసుల సంఖ్య..

యూకే ( UK ) నుంచి ఇండియాకు విస్తరించిన కరోనా కొత్త వైరస్ ( New coronavirus ) కేసులు కలవరం కల్గిస్తున్నాయి. ఊహించినట్టే సంక్రమణ వేగంగా ఉంది. తుది పరీక్షల అనంతరం ఇండియాలో కొత్త కరోనా వైరస్ కేసుల సంఖ్య 25కు చేరుకుందని కేంద్ర ఆరోగ్య శాఖ ( Central health ministry ) ప్రకటించింది. తాజాగా 4 కేసులు వెలుగుచూడటంతో ఆందోళన తీవ్రమవుతోంది. 

యూకే నుంచి ఇండియాకు రిటర్న్ అయినవారిలో మూరో మూడు కేసులు పూణే వైరాలజీ ల్యాబ్‌లో ధృవీకరించగా..ఢిల్లీ ( Delhi )  ఐజీఐబీలో మరో కేసును గుర్తించారు. మొత్తం 25 మందిని వైద్య పర్యవేక్షణలో ఐసోలేషన్‌లో ఉంచారు. యూకే నుంచి ఎవరెవరు ఇండియాకు వచ్చారనే వివరాలు సేకరిస్తూ..పరీక్షలు నిర్వహిస్తున్నారు. ముందుగా ఆర్టీపీసీఆర్ పరీక్ష చేసి..అనంతరం కొత్త స్ట్రెయిన్ ( New strain ) ఉందో లేదో తెలుసుకునే క్రమంలో పూణే ( Pune ), సీసీఎంబీ ( CCMB ), నిమ్‌హ్యాన్స్ ( NImhans ) వంటి ల్యాబ్స్‌కు పంపిస్తున్నారు. 

కొత్త వైరస్ మరింతగా విస్తరించకుండా ఉండేందుకు కేంద్రం మార్గదర్శకాలు కూడా జారీ చేసింది. వివిధ రాష్ట్ర ప్రభుత్వాలు చర్యలు తీసుకుంటున్నాయి. వైరస్ సోకిన వారి కాంటాక్ట్ ట్రేస్ చేయడం,వారితో సన్నిహితంగా మెలిగినవారిని గుర్తించడం చేస్తూ..పరీక్షలు నిర్వహిస్తున్నారు.