నేను ఆరోగ్యంగానే ఉన్నా.. పుకార్లకు బదులిచ్చిన హోం మంత్రి అమిత్ షా..

న్యూఢిల్లీ: గత కొన్ని రోజులుగా తన ఆరోగ్యంపై  సామజిక మాధ్యమాల్లో ఇటీవల వచ్చిన పుకార్లను కొట్టిపారేస్తూ తాను ఆరోగ్యంగా ఉన్నానని, ఏ వ్యాధితో బాధపడటంలేదని కేంద్ర హోంమంత్రి అమిత్ షా ఈ రోజు ట్వీట్ చేశారు. నేను పూర్తిగా ఆరోగ్యంగా ఉన్నానని, ఏ వ్యాధితో బాధపడటం లేదని నేను స్పష్టం చేయాలనుకుంటున్నానని ట్వీట్ లో పేర్కొన్నారు. కేంద్ర హోంమంత్రి ఆరోగ్యంపై గత కొన్ని రోజులుగా సోషల్ మీడియాలో కొంతమంది ఆయన ఆరోగ్యం గురించి పుకార్లు వ్యాప్తి చేస్తున్న నేపథ్యంలో ఈ వివరణనిచ్చారు. 

కరోనావైరస్ మహమ్మారితో దేశం పోరాడుతుందని, కాగా దేశవ్యాప్తంగా సుమారుగా 60,000 మంది ప్రజలను ప్రభావితం చేసిన వైరస్ దాదాపుగా 1,900 మందికి పైగా మృతి చెందారు. కాగా హోంమంత్రిగా తన విధులను నిర్వర్తించడంలో బిజీగా ఉన్నందున ఈ పుకార్లపై ఆయన దృష్టి పెట్టలేదని, గత రెండు రోజులుగా లక్షలాది మంది బీజేపీ కార్యకర్తలు ఆందోళన వ్యక్తం చేసినందున ఈ రోజు తాను స్పష్టం చేస్తున్నానని ఆయన అన్నారు.