Child Berth in Train: చంటిపిల్లల తల్లీదండ్రులకు గుడ్ న్యూస్.. రైల్లో వారికి ప్రత్యేక సదుపాయం!

Child Berth in Train: భారతీయ రైళ్లు నిత్యం రద్దీగా ఉంటాయి. రోజులో చాలామంది సీటు లేకుండానే ప్రయాణం చేస్తుంటారు. ఈ క్రమంలో దివ్యాంగులు, చిన్నారులు, పిల్లతల్లులు, గర్భిణీలు ప్రయాణించేందుకు అనేక ఇబ్బందులు ఎదుర్కొంటున్నారు. దీంతో పాటు చంటిబిడ్డల తల్లులు విశ్రాంతి తీసుకునేందుకు రైల్లో బెడ్ కూడా సరిపోవం లేదు. 

ఈ సమస్యను పరిష్కరించేందుకు భారతీయ రైల్వే కొత్త విధానాన్ని ప్రవేశపెట్టింది. తల్లీదండ్రులతో పాటు బిడ్డ కూడా పడుకునేందుకు వీలుగా ఓ చిన్న బెడ్ ను ఏర్పాటు చేసింది. దీంతో చిన్నారులు హాయిగా నిద్రించేందుకు వీలు కలుగుతుంది. 

తొలుత ఈ సదుపాయాన్ని లక్నో - ఢిల్లీ మధ్య నడిచే రైలులో ప్రవేశపెట్టారు. థర్డ్ క్లాస్ ఏసీ క్లాస్‌లో ఏర్పాటు చేసిన ఈ సౌకర్యం ఉపయోగకరంగా ఉంటుందని తల్లిదండ్రులు తెలిపారు. 'బేబీ బెర్త్' పేరిట ప్రవేశపెట్టిన ఈ బెడ్ ను అవసరం లేదంటే మడతపెట్టవచ్చు. రైల్లో ప్రవేశపెట్టిన ఈ 'బేబీ బెర్త్' పొడవు 770 మి.మీ.. 255 మి.మీ వెడల్పును కలిగి ఉంది. ఈ సదుపాయం పట్ల పిల్లల తల్లిదండ్రులు హర్షం వ్యక్తం చేస్తున్నారు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.

Android Link - https://bit.ly/3hDyh4G

Apple Link - https://apple.co/3loQYe